უკრაინულმა არტილერიამ მელიტოპოლის მახლობლად რუსული ძალების 200-მდე ერთეული ტექნიკა გაანადგურა, - უკრაინული მედიის ინფორმაციით, ამის შესახებ უკრაინის შინაგან საქმეთა მინისტრის მრჩეველმა, ანტონ გერაშენკომ განაცხადა.

”ვასილიევკასთან (ზაპოროჟიეს ოლქი) რუსების ტექნიკა, რომელიც მათ დააგროვეს მელიტოპოლის მახლობლად (დაახლოებით 200 მანქანა), მთლიანად გაანადგურა ჩვენმა არტილერიამ”, - წერს ანტონ გერაშენკო Telegram-ში.

რუსული ძალების ტექნიკის განადგურების შესახებ ინფორმაციას ნიკოლაევის სამხარეო სახელმწიფო ადმინისტრაციის ხელმძღვანელი, ვიტალი კიმიც ავრცელებს.

"200 ერთეული ტექნიკა მელიტოპოლში - ეს საუკეთესო საჩუქარია! დიდება უკრაინის შეიარაღებულ ძალებს", - წერს ის.