პრესსამსახურის ინფორმაციით, „შესაძლო პროვოკაციების პრევენციის მიზნით“, პარლამენტის შენობაში დაშვების შეზღუდული რეჟიმი იმოქმედებს
საქართველოს პარლამენტის შენობაში „შესაძლო პროვოკაციების პრევენციის“ მიზნით დაშვების შეზღუდული რეჟიმი იმოქმედებს, - ამის შესახებ ინფორმაციას პარლამენტის პრესსამსახური ავრეცლებს. მათივე ინფორმაციით, დამატებითი რეგულაციები არ იმოქმედებს მედიის წარმომადგენლებზე.
„საქართველოს პარლამენტის სასახლეში და მიმდებარე ტერიტორიაზე უსაფრთხოების დაცვის რეჟიმის შესახებ“ საქართველოს პარლამენტის თავმჯდომარის 2016 წლის 30 დეკემბრის N259/3 ბრძანებით დადგენილი რეგულაციების შესაბამისად, იმოქმედებს პარლამენტის შენობაში დაშვების შეზღუდული რეჟიმი, გარდა მედიის წარმომადგენლებისა.
აღნიშნული ღონისძიების მიზანია შესაძლო პროვოკაციების პრევენცია და საქართველოს პარლამენტის წევრებისა და აპარატის თანამშრომლებისთვის სამუშაო პირობების უზრუნველყოფა“,- ნათქვამია ინფორმაციაში.
