ბელარუსის თვითმფრინავებს კანადის საჰაერო სივრცეში შესვლა აეკრძალათ, - მედიის ინფორმაციით, ამის შესახებ კანადის ტრანსპორტის მინისტრი, ომარ ალღაბრა „ტვიტერზე“ წერს.

„ამოქმედდეს დაუყოვნებლივ და შემდგომ შეტყობინებამდე, ყველა საჰაერო ხომალდს, რომელსაც პირდაპირ ან ირიბად ფლობს, ექსპლუატაციას უწევს ან აკონტროლებს რუსეთის ფედერაციის ან ბელარუსის მოქალაქე, ეკრძალება კანადის საჰაერო სივრცეში შესვლა, გამოსვლა ან გადაფრენა“,- აცხადებს მინისტრი.

მისი განმარტებით, შეზღუდვა არის რიგი ეკონომიკური ზომების ნაწილი, რომელსაც კანადა რუსეთის პირდაპირი მხარდამჭერების წინააღმდეგ ახორციელებს.