ლუგანსკის რეგიონიდან უკვე 12 500 ადამიანის ევაკუაცია განხორციელდა. ამის შესახებ "ტელეგრამის" არხზე ლუგანსკის რეგიონული სამხედრო-სამოქალაქო ადმინისტრაციის თავმჯდომარე სერგეი გაიდაიმ განაცხადა.

„ლუგანსკის რეგიონიდან მხოლოდ სამი ჰუმანიტარული დერეფნით ჩვენ მოვახერხეთ თითქმის 12 500 მშვიდობიანი მოსახლის გაყვანა“, - განაცხადა გაიდაიმ.

მისი თქმით, გუშინ ჰუმანიტარული დერეფნით მიუხედავად დამპყრობლების მიერ ევაკუაციის ჩაშლისა ყველა მცდელობისა 670 ადამიანი გამოიყვანეს.

"ყველაზე რთული იყო ხალხის გაყვანა პოპასნაიადან და რუბეჟნოედან, რადგან სროლები აქ არ შეწყვეტილა“, - აღნიშნა მან.