მიხეილ სააკაშვილი - მრავალრიცხოვან მიტინგებზე შეიძლება იყოს 50-100 კაცი, ვისაც ჩემი სახელის ხსენება არ სიამოვნებს - შეგიძლიათ დაუსტვინოთ ჩემი სახელის გაგონებაზე, მთავარია სამშობლოსთვის იბრძოლოთ

მიხარია, როდესაც მრავალრიცხოვანი მიტინგი იკრიბება. იქ, შეიძლება ყოველთვის იყოს 50-100 კაცი, ვისაც ჩემი სახელის ხსენება არ სიამოვნებს, მაგრამ ის, რომ ეს მიტინგი იკრიბება 2008 წლის დამსახურებაა, ეს არის იმ რეფორმების დამსახურება და ეს არის იმ მიშას თაობა, რომელიც თავისუფალი, ლაღი და განსაკუთრებულია, - ამის შესახებ საქართველოს მესამე პრეზიდენტმა მიხეილ სააკაშვილმა საქალაქო სასამართლოში მის პროცესზე განაცხადა.

სააკაშვილმა ამ კონტექსტში აღნიშნა, რომ შეუძლიათ „დაუსტვინონ კიდეც ამ მიტინგზე“.

„მე არ მწყინს, როდესაც ის ხალხი, ვინც მერიტოკრატიის გამო, არც ჩემი ნათესავი იყო და არც ახლობელი, დავაწინაურე, თანამდებობებზე დავნიშნე, ტელევიზორში გამოდიან და ზოგიერთი მათგანი საერთოდ არ მახსენებს, ვითომ არ ვვარსებობ. არ მწყინს, რა ვქნათ, ასეა ცხოვრება. მე მიხარია, როდესაც მრავალრიცხოვანი მიტინგი იკრიბება. იქ, შეიძლება ყოველთვის იყოს 50-100 კაცი, ვისაც ჩემი სახელის ხსენება ამ მიტინგზე არ სიამოვნებს, მაგრამ ის, რომ ეს მიტინგი იკრიბება 2008 წლის დამსახურებაა, ეს არის იმ რეფორმების დამსახურება და ეს არის იმ მიშას თაობა, რომელიც თავისუფალი, ლაღი და განსაკუთრებულია. ამიტომ, შეგიძლიათ დაუსტვინოთ კიდევაც ჩემი სახელის გაგონებაზე. მთავარია თქვენი სამშობლოსთვის იბრძოლოთ, იღვაწოთ და არ ვიყოთ ორმაგ სტანდარტებზე“, - განაცხადა სააკაშვილმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს