ირაკლი შოთაძე - პროკურორთა კონფერენცია საკუთარ უფლებამოსილებას ახორციელებს კანონიერების, პროკურატურის და პროკურორის დამოუკიდებლობის, პოლიტიკური ნეიტრალიტეტის საფუძველზე

პროკურორთა კონფერენცია საკუთარ უფლებამოსილებას ახორციელებს კანონიერების, პროკურატურის და პროკურორის დამოუკიდებლობის, პოლიტიკური ნეიტრალიტეტის საფუძველზე. ჩვენთვის ასევე უმნიშვნელოვანესია პროცესის გამჭვირვალობის და საზოგადოების ჩართულობის უზრუნველყოფა, - ამის შესახებ საქართველოს გენერალურმა პროკურორმა ირაკლი შოთაძემ პროკურორთა კონფერენციაზე განაცხადა.

„ჩვენ შევიკრიბეთ ჩვენი სამსახურისთვის ძალიან მნიშვნელოვან საკითხებზე გადაწყვეტილებების მისაღებად პროკურორთა და პროკურატურის გამომძიებელთა რიგით მეოთხე კონფერენციის ფარგლებში, რომლის გახსნის პატივი კონფერენციის თავმჯდომარის რანგში მერგო მე“, - აღნიშნა გენერალურმა პროკურორმა.

ირაკლი შოთაძის განცხადებით, ბოლო წლებში გატარებული რეფორმების შედეგად, რომელთა მიზანიც ძირითადად იყო პროკურატურის დამოუკიდებლობის გაძლიერება, შეიქმნა პროკურორების და პროკურატურის გამომძიებელთა, საერთო კრება, კოფერენცია.

რაც შეეხება დღევანდელ კანდიდატებს, გენერალური პროკურორის თქმით, საბჭოს წევრობის სამ კვოტაზე საინიციატივო ჯგუფების მიერ წარმოდგენილი იქნა 9 კანდიდატი, რომლებიც კონფერენციის მონაწილეებს საკუთარ მოტივაციას, ხედვას და პროგრამას გააცნობენ. შემდეგ კი ხმის მიცემის პროცედურა დაიწყება, რომლის შედეგადაც პროკურორთა კონფერენცია, ფარული კეჭისყრით, ხმათა უმრავლესობით საპროკურორო საბჭოს სამ ახალ პროკურორ წევრს შეარჩევს.

გენერალურმა პროკურორმა ასევე, მადლობა გადაუხადა შესრულებული სამუშაოსთვის კონფერენციის საორგანიზაციო ჯგუფს და ადმინისტრაციულ კომიტეტს.

ღონისძიებას საქართველოს გენერალური პროკურორი ირაკლი შოთაძე, გენერალური პროკურორის მოადგილეები, საპროკურორო საბჭოს წევრები, საქართველოს პროკურატურის, ადგილობრივი არასამთავრობო და საერთაშორისო ორგანიზაციების წარმომადგენლები ესწრებიან.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 02.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
„ასტრაზენეკამ“ პროექტის „თანადგომა“ შემაჯამებელი ღონისძიება გამართა
ღვინო, რომელიც ბედნიერებას იმახსოვრებს - „მარნაველი“ - CBS ჯგუფის ახალი მიმართულება და 2022 წლის წარმატება ღვინის ბიზნესში
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება