საწვავის ფასებთან დაკავშირებით თბილისში გამართულ საპროტესტო აქციაზე ადმინისტრაციული წესით დაკავებულებიდან 3 პირი მოსამართლე ნინო შჩერბაკოვმა ადმინისტრაციულ სამართალდამრღვევად ცნო.

იესე კვიციანს, თორნიკე გაგნიძესა და გიორგი გოგოლაძეს ადმინისტრაციული სახდელის სახით 2 000-ლარიანი ჯარიმა დაეკისრა.

დაკავებულებიდან სამივე პირი სასამართლო პროცესზე აცხადებდნენ, რომ მათ პოლიციელები ხელით ეხებოდნენ და ასე მოუწოდებდნენ გზის სავალი ნაწილის გათავისუფლებას, რასაც მათი უკმაყოფილება მოჰყვა. დაკავებულები მათი მხრიდან სამართალდამცავების მისამართით შეურაცხყოფას უარყოფენ.

შინაგან საქმეთა სამინისტროს წარმომადგენლების განცხადებით კი, აღნიშნული პირები საზოგადოებრივ წესრიგს არღვევდნენ, პოლიციელების კანონიერ მოთხოვნას არ ემორჩილებოდნენ და უშვერი სიტყვებით ილანძღებოდნენ.

რაც შეეხება დანარჩენ პირებს, მათი სასამართლო პროცესები გადაიდო.

ცნობისთვის, საწვავის ფასებთან დაკავშირებით თბილისში გამართულ საპროტესტო აქციაზე ადმინისტრაციული წესით 20 პირი დააკავეს.

აქციის მონაწილეები ადმინისტრაციულ სამართალდარღვევათა კოდექსის 173-ე და 166-ე მუხლებით დააკავეს, რაც წვრილმან ხულიგნობასა და პოლიციისთვის წინააღმდეგობის გაწევა.