არჩევნების შედეგი გამოაჩენს, იყო თუ არა მანიპულაცია - თუ ეს დადასტურდა, დიდ ზიანს მიაყენებს არჩევნებს, - ამის შესახებ „ლელოს“ წევრმა და ცესკოს თავმჯდომარის მოადგილე გიორგი სიორიძემ განაცხადა, როდესაც უპასუხა ბათუმში ე.წ. გაბერილ სიებთან დაკავშირებით ოპოზიციის განცხადებებს.
როგორც სიორიძემ აღნიშნა, თუ პარტიები სხვა ოლქების მცხოვრებლებს არჩევნებისთვის კონკრეტულ მისამართზე პორტირებას გაუკეთებენ, არჩევნები აზრს კარგავს.
„არსებობს კანონით გათვალისწინებული ვადები და პროცედურები, როგორ შეიძლება ადამიანის მისამართზე რეგისტრაცია მოხდეს. ამას თუ ფიქციად ვაქცევთ და განსაკუთრებით შუალედურ არჩევნებზე, როდესაც სხვაგან არ ტარდება არჩევნები და სხვა ოლქების მცხოვრებლებს პარტიები პორტირებას გაუკეთებენ არჩევნებისთვის, არჩევნები აზრს კარგავს“, - განაცხადა გიორგი სიორიძემ.