პარლამენტის 2022 წლის 2 აპრილის შუალედური არჩევნებისთვის საერთო სამოქალაქო მოძრაობა „მრავალეროვანი საქართველო“ # 20 რუსთავის საარჩევნო ოლქში სადამკვირვებლო მისიას განახორციელებს.
„მრავალეროვანი საქართველოს“ ინფორმაციით, სადამკვირვებლო მისია განხორციელდება საუბნო და საოლქო საარჩევნო კომისიაში, 18 მობილური ჯგუფის დამკვირვებლის მეშვეობით.
როგორც ორგანიზაციაში აცხადებენ, არჩევნების დღეს „მრავალეროვანი საქართველო“ ქართულ და ინგლისურ ენებზე პერიოდულად გაასაჯაროებს სადამკვირვებლო მისიის ფარგლებში მიღებულ ინფორმაციას და შესაბამისად შეაფასებს საარჩევნო პროცესს.