ფრაქცია „ქართული ოცნების“ თავმჯდომარის მამუკა მდინარაძის განცხადებით, რუსეთისთვის დაწესებული სანქციები და ამ სანქციებით გამოწვეული ზიანი შეიძლება იყოს ჩვენი ოკუპანტი ქვეყნის სავაჭრო და ეკონომიკური ბრუნვის სტატისტიკური ცდომილების ფარგლებში, თუმცა, საქართველოსთვის ეს შეიძლება იყოს გამოუსწორებელი ზიანი.
„დარწმუნებულები ვართ, რომ ეს რეალურად არის ანტისანქციები. კიდევ ერთხელ განვმარტავ, რომ რუსეთისთვის ამ სანქციების დაწესებას, შესაძლებელია ჰქონდეს ნული ეფექტი რუსეთთან მიმართებით. გამოწვეული შესაძლო სავარაუდო ზიანი შეიძლება იყოს ჩვენი ოკუპანტი ქვეყნის სავაჭრო და ეკონომიკური ბრუნვის სტატისტიკური ცდომილების ფარგლებში. თუმცა, საქართველოსთვის ეს შეიძლება იყოს გამოუსწორებელი ზიანის მომტანი. ჩვენ ამას სავსებით მართებულად ვუწოდებთ ავტოსანქციებს და სანქციებს, რომელიც მხოლოდ ქვეყანას დააზიანებს, ბუნებრივია, ჩვენი მხრიდან ადგილი არ ექნება“, - განაცხადა მამუკა მდინარაძემ.