პროკურატურამ  „საქართველოს ბანკი“-ს ფილიალზე განხორციელებული ყაჩაღური თავდასხმის ფაქტზე ორ პირს  ბრალდება წარუდგინა

საქართველოს პროკურატურამ თბილისში, სს „საქართველოს ბანკი“-ს ექსპრეს ფილიალზე განხორციელებული ყაჩაღური თავდასხმის ფაქტზე ორ პირს ბრალდება წარუდგინა.

პროკურატურის ცნობით, შინაგან საქმეთა სამინისტროს მიერ ჩატარებული გამოძიებით დადგინდა, რომ 2022 წლის 2 აპრილს, ავტომატური ცეცხლსასროლი იარაღით და იარაღის მაგვარი საგნით შეიარაღებულები დ.ბ და გ.ჟ სს „საქართველოს ბანკის“ ექსპრეს ფილიალს თავს დაესხნენ, რა დროსაც იარაღის გამოყენებით მოლარე-ოპერატორს ბანკის კუთვნილი 9107 ლარი, 420 აშშ დოლარი, 2800 ევრო გასტაცეს.

„თავდამსხმელების დაკავებას და მათთვის ავტომატური ცეცხლსასროლი იარაღის წართმევას ფილიალის დაცვის თანამშრომელი შეეცადა, რომელმაც მასზე განპიროვნებული სამსახურეობრივი საშტატო იარაღიდან ბრალდებულების ქვედა კიდურების მიმართულებით რამდენჯერმე გაისროლა, რა დროსაც ორივე თავდამსხმელმა ფეხის არეში დაზიანებები მიიღეს. ამავდროულად გ.ჟ-მ ავტომატური ცეცხლსასროლი იარაღიდან განახორციელა გასროლა, რის შემდეგაც თავდამსხმელები მართლსაწინააღმდეგოდ დაეუფლნენ დაცვის თანამშრომლის ცეცხლსასროლ იარაღს, შემდეგ კი იარაღის მუქარით ერთ-ერთ მოქალაქეს ავტომანქანაში ჩაუსხდნენ და აიძულეს მათი შემთხვევის ადგილიდან წაყვანა.

სამართალდამცველებმა დ.ბ და გ.ჟ. იმავე დღეს დააკავეს. ორივეს ბრალდება საქართველოს სისხლის სამართლის კოდექსის 179-ე მუხლის მე-2 ნაწილის „ბ“ და მე-3 ნაწილის „გ“ ქვპუნქტებით, (ყაჩაღობა, ჩადენილი ჯგუფურად, დიდი ოდენობით), 237-ე მუხლის მე-3 ნაწილის „ა“ ქვეპუნქტით (იარაღისა და საბრძოლო მასალის მართლსაწინააღმდეგო დაუფლება, ჩადენილი ჯგუფურად), 150-ე მუხლის „ბ“ ქვეპუნქტით (იძულება, ჩადენილი ჯგუფურად) წარედგინათ, ხოლო გ.ჟ-ს ასევე ბრალდება 236-ე მუხლის მე-3 და მე-4 ნაწილებით (ცეცხლსასროლი იარაღისა და საბრძოლო მასალის მართლსაწინააღმდეგო შეძენა, შენახვა და ტარება) წარედგინა.

მათთვის წარდგენილი ბრალდება სასჯელის სახედ და ზომად 9-დან 13 წლამდე თავისუფლების აღკვეთას ითვალისწინებს.

პროკურატურამ ბრალდებულებისთვის აღკვეთის ღონისძიების სახით პატიმრობის გამოყენების შუამდგომლობით, თბილისის საქალაქო სასამართლოს უკვე მიმართა.

სისხლის სამართლის საქმეზე გამოძიება გრძელდება“, - აღნიშნულია ინფორმაციაში.

დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
ქართული პრესის მიმოხილვა 02.12.2022
ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
„კარფური" გაფართოებას აგრძელებს - თბილისში ახალი სუპერმარკეტი გაიხსნა
„ნიუ ჰოსპიტალსი“ აშშ-ის შეიარაღებული ძალების სამედიცინო სერვისების მომწოდებლად შეირჩა
გაფრთხილდი და გააფრთხილე, ჩვენი ფინანსების უსაფრთხოება ჩვენს ხელშია
„ლიბერთიმ“ განვადების აქცია დაიწყო
ბაზისბანკის ინვესტიციით, რუსთავში სავაჭრო ცენტრი და საცხოვრებელი კომპლექსი შენდება
სრულიად ახალი Toyota Corolla Cross
„ფარმადეპო“ მომხმარებლებს მედიკამენტებზე გარანტირებულად ყველაზე ხელმისაწვდომ ფასს სთავაზობს
საქართველოს უნივერსიტეტის ქართულ-ამერიკული კინოაკადემია აცხადებს კონკურსს „ვეფხისტყაოსანის“ ილუსტრაცია
საუკეთესო შეთავაზებები "სამსუნგის" მხოლოდ ოფიციალურ ტელევიზორებზე