კახა კუჭავა - წარმოუდგენელია, როგორი იქნება ცივილიზებული სამყაროს მომავალი, რუსეთის შემაძრწუნებელ სისასტიკეზე სათანადო პასუხის გაცემის გარეშე
პარლამენტის ყოფილი თავმჯდომარე კახა კუჭავა უკრაინაში განვითარებულ მოვლენებს ეხმაურება და აღნიშნავს, რომ ოკუპანტი რუსეთი უკრაინაში იგივე მეთოდებს იყენებს, რაც საქართველოში გამოიყენა.
როგორც კახა კუჭავა "ტვიტერზე" წერს, რუსეთის სასტიკი ქმედებები მშვიდობიან მოსახლეობას ანადგურებს.
„წარმოუდგენელია, როგორი იქნება ცივილიზებული სამყაროს მომავალი, რუსეთის შემაძრწუნებელ სისასტიკეზე სათანადო პასუხის გაცემის გარეშე. საქართველოს ახსოვს ჩვენი წამებული გმირები და ოკუპანტი იყენებს იგივე მეთოდებს, რომლებიც სასტიკია, უღირსია და ანადგურებს მშვიდობიან მოსახლეობას“,- წერს კუჭავა „ტვიტერზე“.
