რატი იონათამიშვილი - ევროპარლამენტის ანგარიში არაერთ უზუსტობას შეიცავს

ქართული ოცნების“ დეპუტატის, რატი იონათამიშვილის შეფასებით, ევროპარლამენტის ანგარიში, რომელიც ევროკავშირი-საქართველოს ასოცირების შეთანხმების შესრულებას ეხება და 2020-2022 წლებს მოიცავს, არაერთ უზუსტობას შეიცავს.

მისივე თქმით, აღნიშნული დოკუმენტი სინამდვილეში მომზადებულია არა ევროპარლამენტარების, არამედ საზოგადოებრივი ორგანიზაციის მიერ, რომელიც კვლევით ორგანიზაციას წარმოადგენს.

„საზოგადოებისთვის არასწორი ინფორმაციის მიწოდება ხდება. ანგარიშში სასიამოვნოდ წასაკითხი იყო, რომ დადებითად არის შეფასებული საქართველოს პარლამენტის მიერ შშმ პირებთან დაკავშირებით მიღებული კანონი და ბავშვთა კოდექსი, თუმცა ფაქტია, რომ ანგარიში ძალიან ბევრ უზუსტობას შეიცავს. მასში საუბარია მმართველ კოალიციაზე, რაც დღეს საქართველოში არ არის.

საქართველოს ევროკავშირთან ინტეგრაცია მუშა პროცესია და ამ მიმართულებით სამუშაოს ჩვენ აქტიურად ვახორციელებთ. ევროპარლამენტარების საბოლოო ოფიციალური შეფასება პოზიტიური იქნება“, - განუცხადა ჟურნალისტებს რატი იონათამიშვილმა.

ინფორმაციისთვის, ევროპარლამენტმა გამოაქვეყნა ანგარიში, რომელიც ევროკავშირი-საქართველოს ასოცირების შეთანხმების შესრულებას ეხება და 2020-2022 წლებს მოიცავს. ანგარიშის თანახმად, 2020 წლიდან საქართველომ სერიოზულად დაიხია უკან დემოკრატიული პრინციპებისა და იმ ძირითადი პოლიტიკური ვალდებულებების კუთხით, რომლებიც მან ასოცირების შეთანხმების ფარგლებში აიღო.

დოკუმენტში აღნიშნულია, რომ "მკვეთრი პოლიტიკური პოლარიზაციის კონტექსტში, დემოკრატიული ინსტიტუტები თანდათან კარგავენ საკუთარ არსს და მმართველი კოალიცია სულ უფრო მეტად ახორციელებს ძალაუფლებას ხელში ჩაგდების კონცენტრირებას, ამასთანავე ზღუდავს სივრცეს განსხვავებული აზრისთვის". ანგარიშში ხაზგასმულია, რომ ქვეყანაში კანონის უზენაესობა მნიშვნელოვნად გაუარესდა.

ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
გრიგორი კუკურუზა - ომით მიყენებული ზარალი დაახლოებით 1,1-1,2 ტრილიონ აშშ დოლარს შეადგენს - უკრაინას იმედი აქვს, რომ ქვეყნის აღსადგენად სახსრებს აგრესორი რუსეთისგან მიიღებს
ქართული პრესის მიმოხილვა 24.11.2022
რეალური შავი პარასკევი „ჰუალინგ პლაზაში“ – გაიგეთ შეთავაზების დეტალები
„სმარტ კაპიტალმა“ ედიშერ და გიგი გარაყანიძეების სახელობის სტიპენდიატები დააჯილდოვა
პეტროკას ენერჯი ჯგუფი და სანპეტროლიუმ ჯორჯია განცხადებას ავრცელებენ
„ბიბლუსში“ Black Friday დაიწყო - 50%-იანი ფასდაკლება მხოლოდ ვებგვერდზე შოპინგისას
500-მდე პარტნიორი კომპანია და 100%-იანი ზრდის პერსპექტივა - „არომაკო“ 2-წლიან საქმიანობას აჯამებს
11 000 ლარამდე ფასდაკლება „ტერასა რეზორთ ბაკურიანის“ პრემიუმ კლასის სასტუმროს ნომრებზე 30 ნოემბერს სრულდება
ბაზისბანკის მხარდაჭერით ქუთაისში Hill Hotel Kutaisi გაიხსნა
„მრავალი ხმა, ერთი სამშობლო“ – კამპანია, რომელიც განსხვავებულ ადამიანებს აერთიანებს