„ლაგუნა ვერესთან" 2 პირის - კონსტანტინე ქობულიასა და ვახტანგ გურგენიძის მკვლელობისა და კიდევ რამდენიმე ადამიანის დაჭრის ფაქტზე დაკავებულების ადვოკატები მათი დაცვის ქვეშ მყოფების მიმართ არასაპატიმრო აღკვეთის ღონისძიების გამოყენებას ითხოვენ.

განსაკუთრებით მძიმე დანაშაულის შეუტყობინებლობაში ბრალდებულებიდან გიორგი გელოვანის ადვოკატი, თამარ აბესაძე მისი დაცვის ქვეშ მყოფის 60 000-ლარიანი გირაოს სანაცვლოდ გათავისუფლებას ითხოვს.

"თავდაპირველად ჰაერში გასროლა იყო. დაცვის თანამშრომელი ვაშლით და მაწვნით არ დადის, დადის იარაღით. გიორგი გელოვანის ჩვენება თანხვედრაშია დანარჩენი პირების ჩვენებებთან. გიორგი გელოვანი შემთხვევის ადგილზე იყო, არ უარყოფს და განიცდის მომხდარს. პოლიციის მისვლის შემდეგ წავიდა იქიდან, მას უნდა დაერეკა პოლიციაში, მას თბილისი არ დაუტოვებია. 40 წუთში პოლიციამ მიაკითხა და წაიყვანა, მისი მიმალვის საფრთხე არ გვაქვს. მას ნასამართლეობა გაქარწყლებული აქვს", - განაცხადა აბესაძემ.

გიორგი ასლანიშვილის ადვოკატი, გიორგი ჭოჭუა მისი დაცვის ქვეშ მყოფის 5 000-ლარიანი გირაოს სანაცვლოდ გათავისუფლებას ითხოვს.

ბრალდებულ გიორგი პეტრუშკოს 20 000-ლარიანი გირაოს სანაცვლოდ გათავისუფლებას ითხოვს.

რაც შეეხება მკვლელობაში ბრალდებულ კობა მეტრეველს, მისი ადვოკატი სასამართლოს ალტერნატივის სახით 20 000-ლარიან გირაოს სთავაზობს.