მოხელისა და სამართალდამცავთა მიერ ჩადენილ დანაშაულთა ეფექტური და დროული გამოძიების მიზნით, სპეციალური საგამოძიებო სამსახურის უფლებამოსილებები და შესაბამისი კანონმდებლობა შესაძლოა, გადაიხედოს

მოხელისა და სამართალდამცავთა მიერ ჩადენილ დანაშაულთა ეფექტური და დროული გამოძიების მიზნით, სპეციალური საგამოძიებო სამსახურის უფლებამოსილებები და შესაბამისი კანონმდებლობა შესაძლოა გადაიხედოს.

აღნიშნულთან დაკავშირებით საკანონმდებლო წინადადებით პარლამენტს თავად სპეციალურმა საგამოძიებო სამსახურმა და მისმა ხელმძღვანელმა კარლო კაციტაძემ მიმართა, რაც პარლამენტის იურიდიულ საკითხთა კომიტეტმა დღევანდელ სხდომაზე განიხილა, გაიზიარა და მხარი დაუჭირა.

სპეციალური საგამოძიებო სამსახური ცვლილებებს შემდეგი მიმართულებით ითხოვს: - პენიტენციურ დაწესებულებებში დაუბრკოლებლად შესვლის უფლება, პატიმრის მიერ სამსახურისთვის საჩივრით დაუბრკოლებლად მიმართვის შესაძლებლობა, დაცვის სპეციალური ღონისძიებების ეფექტური გამოყენება, საგამოძიებო ქვემდებარეობის გაფართოება და დაზუსტება, საგამოძიებო და საპროცესო მოქმედებების დაუბრკოლებლად გატარების უზრუნველყოფა და სხვა.

როგორც იურიდიულ საკითხთა კომიტეტის თავმჯდომარემ ანრი ოხანაშვილმა განმარტა, საკანონმდებლო წინადადების საკანონმდებლო ინიციატივად ქცევის მიზნით კომიტეტი მუშაობას უახლოეს მომავალში დაიწყებს და კანონის პროექტს პარლამენტს განსახილველად წარუდგენს. მისივე თქმით, კანონპროექტის მომზადებაში საპარლამენტო ოპოზიციაც მიიღებს მონაწილეობას.

ალექსეი მალაშენკო - არავინ იცის როგორ უნდა დასრულდეს რუსეთ-უკრაინის ომი, მათ შორის არც პუტინმა
ქართული პრესის მიმოხილვა 28.11.2022
ლევან შენგელია - მხოლოდ რუსეთის ფუნდამენტურმა დამარცხებამ უკრაინასთან და მთლიანად დასავლეთთან დაპირისპირებაში შეიძლება აგვაცილოს თავიდან ცუდი მომავალი
PSP განცხადებას ავრცელებს