აშშ უკრაინას საზენიტო-სარაკეტო კომპლექს „სტინგერს“, ტანკსაწინააღმდეგო სისტემა „ჯაველინს“ და კამიკაძე-დრონების ახალ პარტიას მიაწვდის. აღნიშნულ ინფორმაციას CNN-ი ავრცელებს.

პენტაგონმა იმ შეიარაღების ჩამონათვალი გამოაქვეყნა, რომელიც უკრაინას უკვე მიაწოდეს. უწყებამ ასევე გაასაჯაროვა საბრძოლო მასალის ის სია, რომლის მიწოდებასაც აშშ უკრაინისთვის უახლოეს მომავალში გეგმავს.

„უკრაინა აშშ-სგან დახმარების სახით „სტინგერის“ და „ჯაველინების“ ათასობით კომპლექტთან ერთად ასობით უპილოტო საფრენ „კამიკაძე“ აპარატ Switchblade-ს მიიღებს“, - აცხადებს აშშ-ის თავდაცვის უწყება.

აღნიშნული ინფორმაციას მას შემდეგ გასაჯაროვდა, რაც აშშ-მა უკრაინის დასახმარებლად კიდევ 100 მილიონი დოლარი გამოჰყო.

უკრაინის დასახმარებლად აშშ-მა გამოჰყო: 1400-ზე მეტი საზენიტო-სარაკეტო სისტემა „სტინგერი“, 5000-ზე მეტი ანტისატანკო სისტემა „ჯაველინი“, 7000-ზე მეტი სხვა სახის ანტისატანკო სისტემა, ასობით ტაქტიკური უპილოტო საფრენი აპარატი SwitchBlade, ოთხი ერთეული ანტისაარტილერიო და უპილოტო საჰაერო სისტემების სამეთვალყურეო რადარი, 4 ერთეული ნაღმტყორცნების სააწინააღმდეგო სარადარო სისტემა, დაჯავშნული მრავალფუნქციური მანქანები, 50 მილიონზე მეტი ტყვია, 45 000 ჯავშნისა და ჩაფხუტის კომპლექტი, სარაკეტო სისტემები ლაზერული დამიზნებით, Puma-ს უპილოტო საჰაერო სისტემები, ღამის ხედვის მოწყობილობები, თერმული გამოსახულების და საკომუნიკაციო სისტემები და ოპტიკა და სატელიტური გამოსახულების კომერციული მომსახურება.