მიხეილ სააკაშვილი - ვიღაც არაჭკუათმყოფელს უთქვამს, რომ სააკაშვილი ჩამოვიდა, რადგან უკრაინაში ომს განერიდა, ამ ომის თარიღების გამოცნობა რომ შემძლებოდა, ახლა ფრონტის წინა ხაზზე ვიქნებოდი და არა 310-ე საკანში

ვიღაც არაჭკუათმყოფელს უთქვამს, რომ სააკაშვილი ჩამოვიდა საქართველოში იმიტომ, რომ განერიდა უკრაინაში ომს. ბევრი რამ გამოვიცანი ზუსტად, მაგრამ ამ ომის თარიღების გამოცნობა რომ შემძლებოდა, ზუსტი წინასწარმეტყველება, ახლა ვიქნებოდი ფრონტის წინა ხაზზე და არანაირად არ ვიქნებოდი იქ, სადაც ვარ, ამ შუშის უკან - ამის შესახებ საქართველოს მესამე პრეზიდენტმა მიხეილ სააკაშვილმა სასამართლო სხდომაზე სიტყვით გამოსვლისას განაცხადა.

მისივე თქმით, მას განრიდება რომ სდომებოდა, ამერიკაშიც შეეძლო განრიდება, ჰოლანდიაშიც და ბევრ სხვა ადგილას და არა 310-ე საკანში.

„როდესაც საზღვრის გადაკვეთას ვეხებით, ვიღაც არაჭკუათმყოფელს უთქვამს, რომ სააკაშვილი ჩამოვიდა საქართველოში იმიტომ, რომ განერიდა უკრაინაში ომს. ბევრი რამ გამოვიცანი ზუსტად, მაგრამ ამ ომის თარიღების გამოცნობა რომ შემძლებოდა, ზუსტი წინასწარმეტყველება, ახლა ვიქნებოდი ფრონტის წინა ხაზზე და არანაირად არ ვიქნებოდი იქ, სადაც ვარ, ამ შუშის უკან. განრიდება რომ მდომებოდა, ამერიკაშიც შემეძლო განრიდება, ჰოლანდიაშიც და ბევრ სხვა ადგილას და არა 310-ე საკანში, სადაც ვიმყოფები. ჩამოვედი იმ მარშრუტით, რომელიც ყველაზე უსაფრთხო იყო ყველასთვის.

რაც შეეხება უკრაინას, უკრაინა იმარჯვებს ამ ომში, მან მოიგო უკვე კიევის ბრძოლა, რაც იყო გადამწყვეტი ბრძოლა და ახლა არის ხარკოვისთვის ბრძოლა წინ, რომელსაც უკრაინა ასევე მოიგებს. ასევე, დონბასისთვის ბრძოლა, საიდანაც უკრაინა გამოვა გამარჯვებული“, - განაცხადა მიხეილ სააკაშვილმა.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი