უკრაინა იმარჯვებს ამ ომში, მან მოიგო უკვე კიევის ბრძოლა, ახლა არის ხარკოვისთვის, დონბასისთვის დიდი ბრძოლა წინ, საიდანაც უკრაინა გამოვა გამარჯვებული, - ამის შესახებ საქართველოს მესამე პრეზიდენტმა მიხეილ სააკაშვილმა სასამართლო სხდომაზე სიტყვით გამოსვლისას განაცხადა.

მისივე თქმით, „ლენდ -ლიზის“ პროგრამის გამო, რეგიონი ბევრად უფრო დაცული იქნება.

„რაც შეეხება სიტუაციას ჩვენ გარშემო, უკრაინა იმარჯვებს ამ ომში, მან მოიგო უკვე კიევის ბრძოლა, რაც იყო გადამწყვეტი ბრძოლა და ახლა არის ხარკოვისთვის დიდი ბრძოლა წინ, რომელსაც უკრაინა ასევე მოიგებს. ასევე, დონბასისთვის დიდი ბრძოლა, საიდანაც უკრაინა გამოვა გამარჯვებული. გუშინ ამერიკის შეერთებულმა შტატების სენატმა მიიღო „ლენდ-ლიზის“ პროგრამა. ეს ნიშნავს, რომ უკრაინა მიიღებს შეუზღუდავი რაოდენობის იარაღს და ეს ნიშნავს, რომ ჩვენი რეგიონი იქნება ათასჯერ უფრო დაცული, ეს შეეხება ნორმალურ პირობებში საქართველოსაც“, - განაცხადა მიხეილ სააკაშვილმა.