კიევის ოლქში, დაბა მაკარივში დახვრეტილი 132 ადამიანის ცხედარი აღმოაჩინეს; ქალაქის 40% დანგრეულია. „უკრაინსკაია პრავდას“ ინფორმაციით, ამის შესახებ დაბის ხელმძღვანელმა ვადიმ ტოკარმა განაცხადა.

„გუშინდელი დღის მდგომარეობით, ჩვენ შევძელით 132 სამოქალაქო პირის ცხედრის პოვნა, რომლებიც რუსმა დამპყრობლებმა დახვრიტეს“, - განაცხადა ტოკარმა.

მისივე თქმით, მაკარივის 40% დანგრეულია, ზოგიერთი სახლი აღდგენას საერთოდ აღარ ექვემდებარება.

ტოკარის თქმით, გარდაცვლილები ასევე აღმოაჩინეს მასობრივ სამარხებში.

მანვე აღნიშნა, რომ ომამდე, დაბაში 15 ათასამდე ადამიანი ცხოვრობდა, ხოლო აქტიური ფაზის დროს ათასზე ნაკლები ადამიანი დარჩა.