ბადრი ჯაფარიძე - „ქართული ოცნების” იმედი ოპოზიციას და ქართულ საზოგადოებას არ აქვს, ამიტომ საჭიროა ვიყოთ მობილიზებული და არ დავუშვათ ამ ისტორიული პროცესის ჩაშლა, ისევე როგორც გააკეთეს შარლ მიშელის დოკუმენტთან დაკავშირებით

„ქართული ოცნების” იმედი ოპოზიციას და ქართულ საზოგადოებას არ აქვს, ამიტომ საჭიროა ვიყოთ მობილიზებული და არ დავუშვათ ამ ისტორიული პროცესის ჩაშლა, ისევე როგორც გააკეთეს შარლ მიშელის დოკუმენტთან დაკავშირებით, - ამის შესახებ პარტია "ლელოს” ერთ-ერთმა ლიდერმა ბადრი ჯაფარიძემ საქართველოსთვის ევროკავშირში წევრობის განაცხადთან დაკავშირებული კითხვარის გადაცემაზე საუბრისას აღნიშნა.

მისივე თქმით, ,,ქართულ ოცნებას” კითხვარში შემავალ კითხვებზე პასუხები არ აქვს.

"ჩვენი საფრანგეთის ელჩთან შეხვედრა ეხებოდა იმ უნიკალურ შესაძლებლობას, რომელიც გაიხსნა საქართველოს წინაშე უკრაინელი ხალხის თავდადებული ბრძოლის შედეგად. საქართველომ ახლა ისეთი ნაბიჯები უნდა გადადგას, რომ ეს უნიკალური შანსი იყოს გამოყენებული ისტორიული მიზნის მისაღწევად. ,,ქართული ოცნების” იმედი ოპოზიციას და ქართულ საზოგადოებას არ აქვს, ამიტომ საჭიროა ყველა ვიყოთ მობილიზებული და არ დავუშვათ ამ ისტორიული პროცესის ჩაშლა, ისევე როგორც გააკეთეს შარლ მიშელის დოკუმენტთან დაკავშირებით. ახლაც გვაქვს რისკი, რომ რეფორმების განხორციელებისაგან თავის ასარიდებლად და ხელისუფლების შესანარჩუნებლად ,,ოცნებამ” შეიძლება ეს ისტორიული პროცესი ჩაშალოს.

ამ კითხვარში შემავალ კითხვებზე პასუხები ,,ქართულ ოცნებას” არ აქვს, ამიტომ უნდა ვიყოთ მობილიზებულები, რომ არ მივცეთ საშუალება მმართველ გუნდა გაწელოს პროცესი, ან არ განხორციელდეს ის რეფორმები, რომელიც აუცილებელია, რომ ეს ისტორიული შესაძლებლობა გამოვიყენოთ. რა როლიც შეიძლება ოპოზიციამ ამ პროცესში ითამაშოს, ჩვენ გავაკეთებთ მაქსიმუმს. ,,ქართული ოცნება” შეეცდება ეს პროცესი გახადოს მაქსიმალურად დაფარული და გაწელილი, ამის საშუალება არ უნდა მივცეთ. თითოეული ჩვენგანის ამოცანაა, რომ ვიყოთ გაერთიანებული და არ მივცეთ უფლება ,,ქართული ოცნების” ლიდერებს ქართველ ხალხს გააშვებინოს ეს ისტორიული შანსი”, - აღნიშნა ბადრი ჯაფარიძემ.

ცნობისთვის, სამეზობლო და გაფართოების საკითხებში ევროკომისარი ოლივერ ვარჰეი აცხადებს, რომ საქართველოსა და მოლდოვას ევროკავშირში წევრობის განაცხადთან დაკავშირებულ კითხვარს დღეს გადასცემს.

კახა გოგოლაშვილი - ევროპარლამენტი საქართველოს ევროკავშირში ინტეგრაციის შესაძლებლობას ზრდის, ახლა ჯერი ჩვენზეა
ქართული პრესის მიმოხილვა 05.12.2022
დავით სიხარულიძე - ისტორიას არ ახსოვს, რომ რომელიმე ქვეყანა ძალით ნატო-ში, ან ევროკავშირში მიეღოთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი