უკრაინის შეიარაღებული ძალების 36-ე საზღვაო ბრიგადის განცხადებით, ისინი საკუთარ თავს მარიუპოლზე კონტროლის დასამყარებლად „უკანასკნელი ომისთვის ამზადებენ“. ამის შესახებ ინფორმაციას სააგენტო „ფრანს პრესი” ავრცელებს.

გამოცემის ცნობით, უკრაინის შეიარაღებული ძალების 36-ე საზღვაო ბრიგადის სოციალურ ქსელში გავრცლებეული განცხადების თანახმად, დღეს სავარაუდოდ, იქნება ბოლო დღე იქიდან გამომდინარე, რომ საბრძოლო მასალა იწურება.

საპორტო ქალაქი მარიუპოლის 47-დღიანი დაცვის შემდეგ, საზღვაო ქვეითებმა განაცხადეს, რომ რუსულმა ძალებმა ისინი უკუაგდეს და ალყაში მოაქციეს.

„ეს სიკვდილია ზოგიერთი ჩვენგანისთვის და ტყვეობა სხვებისთვის. მტერმა საბოლოოდ უკუგვაგდო და ალყაში მოგვაქცია ცეცხლით, ახლა კი ცდილობს ჩვენს განადგურებას. დაჭრილები ბრიგადის თითქმის ნახევარს შეადგენს. ვისაც არ აქვს დაკარგული კიდურები, კვლავ ბრძოლას უბრუნდება. ქვეითი ჯარისკაცები დაიხოცნენ და ახლა ბრძოლას არტილერისტები, საზენიტო მსროლელები, რადიოოპერატორები, მძღოლები და მზარეულები აგრძელებენ, ორკესტიც კი“,- ნათქვამია განცხადებაში.