14 აპრილის პლენარულ სხდომაზე პარლამენტი გარემოს დაცვისა და სოფლის მეურნეობის მინისტრს ოთარ შამუგიას მოუსმენს. შამუგია „მინისტრის საათის“ ფორმატში გამოვა.

გარემოს დაცვისა და სოფლის მეურნეობის მინისტრი სესიაზე გაწეული მუშაობის ანგარიშს წარადგენს, რის შემდეგაც დეპუტატების კითხვებს უპასუხებს.

„მინისტრის საათი“ წელიწადში ერთხელ, პარლამენტის პლენარულ სხდომაზე მთავრობის წევრების სამთავრობო პროგრამის შესრულების ანგარიშით გამოსვლას გულისხმობს.