თბილისის მეტროპოლიტენის პირველი ხაზის ნაწილზე მოძრაობა განახლდა. ამის შესახებ „ინტერპრესნიუსს“ „თბილისის სატრანსპორტო კომპანიაში“ განუცხადეს.

ცნობისთვის, მატარებლები შეფერხებით მეტროსადგურ „ვარკეთილიდან“ მეტროსადგურ „სადგურის მოედნამდე“ მოძრაობდნენ.

„თბილისის სატრანსპორტო კომპანიის“ ინფორმაციით, მიზეზი ერთ-ერთი მატარებლის ხარვეზი იყო, რომლის ჩიხში გადაყვანასაც დრო სჭირდებოდა.

ამასთან, სატრანსპორტო კომპანიის ინფორმაციით, მატარებლები მეტროსადგურ „ახმეტელიდან“ – „სადგურის მოედნამდე“ შეუფერხებლად მოძრაობენ.