დედაქალაქის საკრებულოს სხდომაზე ხმაური იყო. ხმაური დედაქალაქის საკრებულოს „ერთიანი ნაციონალური მოძრაობის" დეპუტატის, გიორგი ონიანის სიტყვით გამოსვლას მოჰყვა.

მან უკრაინაში განვითარებულ მოვლენებზე ისაუბრა და აღნიშნა, რომ ბუჩაში მომხდარი ტრაგედია მმართველმა გუნდმა კითხვის ნიშნის ქვეშ დააყენა.

"სამწუხაროდ, როდესაც ბუჩაში არსებობდა კადრები, სადაც პატარა ბავშვები იყვნენ დახოცილები და გაუპატიურებულ ადამიანებზე იყო საუბარი, ორი ქვეყნის ხელისუფლება იყო, რომელმაც კითხვის ნიშნის ქვეშ დააყენა ეს ფაქტი. ერთი იყო რუსეთი, მეორე საქართველო",- აღნიშნა მან.

აღნიშნულის საპასუხოდ "ნაციონალური მოძრაობის" წევრს მიმართა საკრებულოს თავმჯდომარემ გიორგი ტყემალაძემ. როგორც მან აღნიშნა, სირცხვილია, როდესაც საკრებულოს წევრი, ქართველი მსგავს განცხადებას აკეთებს.