ეუთო-ს გენერალური მდივანი, ჰელგა შმიდტი ილია დარჩიაშვილს საგარეო საქმეთა მინისტრის თანამდებობაზე დანიშვნას ულოცავს.

როგორც საგარეო საქმეთა სამინისტროს მიერ გავრცელებულ ინფორმაციაშია ნათქვამი, ოფიციალურ მილოცვაში აღნიშნულია, რომ ეუთო გააგრძელებს საქართველოს მშვიდობიანი, აყვავებული და დემოკრატიული მომავლის მხარდაჭერას.

„გთხოვთ, მიიღოთ ჩემი გულწრფელი მილოცვა საგარეო საქმეთა მინისტრის თანამდებობაზე დანიშვნასთან დაკავშირებით. მინდა გამოვხატო მადლიერება საქართველოსა და ეუთოს შორის არსებული ბრწყინვალე თანამშრომლობისთვის. დარწმუნებული იყავით, რომ ეუთო გააგრძელებს საქართველოს მშვიდობიანი, აყვავებული და დემოკრატიული მომავლის აღმშენებლობის დახმარება,“- წერს ეუთო-ს გენერალური მდივანი, ჰელგა შმიდტი.

ეუთო-ს გენერალური მდივანი თავის მიმართვაში ხაზს უსვამს ეუთო-ს ჩართულობას ჟენევის საერთაშორისო დისკუსიებში, ისევე როგორც ერგნეთში ინციდენტების პრევენციისა და მათზე რეაგირების მექანიზმის მუშაობაში.

„ეუთო რჩება ერთგული აღნიშნული ფორმატების მიმართ და გააგრძელებს მათ მხარდაჭერას,“ - აღნშნავს ჰელგა შმიდტი.