სალომე სამადაშვილი - სანქციებთან დაკავშირებით საქართველოს ხელისუფლების პოზიციონირება ბიპოლარულ აშლილობას ჰგავს

სანქციებთან დაკავშირებით საქართველოს ხელისუფლების პოზიციონირება ბიპოლარულ აშლილობას ჰგავს, - ამის შესახებ ჟურნალისტებთან „ლელოს“ დეპუტატმა სალომე სამადაშვილმა განაცხადა.

მისი თქმით, ხელისუფლება თავისი განცხადებებით საზოგადოებას აბნევს. როგორც სამადაშვილი განმარტავს, სიმართლე ისაა, რომ როცა ქვეყანა ასოცირების შეთანხმების ხელმომწერია, მას უწევს სანქციების რეჟიმის დაცვა, წინააღმდეგ შემთხვევაში თავად ხდება სანქციების სამიზნე.

„ჩვენ დიდი ხანია ვამბობთ, რომ საქართველოს ხელისუფლებას და ჩვენს სახელმწიფოს არ აქვს ფუფუნება სანქციების რეჟიმი არ დაიცვას. შენ თუ არ ასრულებ სანქციების რეჟიმს და არღვევ, იმ წუთში თავად ხდები სამიზნე სანქციების რეჟიმის. „ქართული ოცნება“ უკვე ერთი თვეა სხვადასხვა განცხადებით აბნევს საზოგადოებას და ეუბნება ტყუილს. სიმართლე არის ის, რომ საქართველოს ხელისუფლებას მოუწევს რა თქმა უნდა, სანქციების რეჟიმის შესრულება. სანქციებზე მიერთება ნიშნავს, რომ იცავ ამ რეჟიმს შენს ტერიტორიაზე, მაშინ პაპუაშვილმა უნდა უთხრას საზოგადოებას, რომ არ იცავს ამ რეჟიმს. ხომ ამბობს, რომ იცავს?- სანქციების რეჟიმს ვინც იცავს, ის თავისთავად არის მიერთებული სანქციების რეჟიმს, ამიტომ დაასრულოს „ქართულმა ოცნებამ“ დაბნევა საზოგადოების, საერთაშორისო პარტნიორების და ჩვენი უკრაინელი მეგობრების. სწორედ ამ რიტორიკით მივიდა საქმე იქამდე, სადამდეც მივიდა. ახლა როცა დაიწყო ამ უმძიმესი გაუგებრობიდან გამოსვლა, ისევ უკან ნუ შევა გაუგებრობების ლაბირინთში. როგორც 2x2=4-ს, ასეთი სიმართლეა ის, რომ როცა ასოცირების შეთანხმების ხელმომწერი ქვეყანა ხარ, გიწევს სანქციების რეჟიმის დაცვა, რომელიც ევროკავშირმა დააწესა,“ - განაცხადა სამადაშვილმა.

რაც შეეხება ორმხრივ სანქციებს, უკრაინულმა მხარემ დააფიქსირა მოსაზრება, რომ მათი პრეფერენცია იქნებოდა, საქართველომ გარკვეული ტიპის სანქციები შემოიღოს, რასთან დაკავშირებითაც მათ აქვთ კონკრეტული მოსაზრებები და ამ ხედვას პარლამენტს წარუდგენენ. მისივე თქმით, ეს ეხება რუსულ პროპაგანდასთან ბრძოლასაც.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო