ნიკოლოზ ვაშაკიძე - ევროკავშირის კითხვარის პასუხებისთვის გამოყოფილი უჩვეულოდ მოკლე ვადა, შესაძლოა დაკავშირებული იყოს ევროკავშირში მიღებულ პოლიტიკურ გადაწყვეტილებებთან

ევროკავშირის კითხვარზე პასუხების მომზადებას საქართველოს საზოგადოება და პოლიტიკური სპექტრი მაქსიმალურად საღად და პრაგმატულად უნდა მიუდგეს,- ამის შესახებ პარტია „ევროპელი დემოკრატების“ პოლიტიკური საბჭოს თავმჯდომარემ ნიკოლოზ ვაშაკიძემ განაცხადა.

ვაშაკიძის თქმით, პროცესის დაჩქარება უკრაინაში ომის შედეგად წარმოქმნილი არაორდინარული რეალობიდან გამომდინარეობს და შესაბამისად, პასუხების მომზადებისთვის გამოყოფილი უჩვეულოდ მოკლე ვადა შესაძლოა დაკავშირებული იყოს ევროკავშირში მიღებულ ერთგვარ პოლიტიკურ გადაწყვეტილებებთან.

„ევროკავშირში კარგად უნდა ესმოდეთ, რომ ერთი თვის ვადაში დახვეწილი და დაბალანსებული დოკუმენტის შექმნა პრაქტიკულად შეუძლებელია. ამდენად, საქმე უფრო გვაქვს პროცესის, რაც შეიძლება მალე დაწყების სურვილთან და გადაწყვეტილებასთან. ცხადია, დაჩქარება ამ ეტაპზე ალბათ, მხოლოდ კანდიდატობის საკითხს შეეხება, ამის შემდეგ ევროკავშირმა უშუალოდ გაწევრიანება შესაძლოა დიდი ვადით გადადოს, რაზეც თურქეთის მაგალითი ნათლად მეტყველებს.

ასეთ ვითარებაში საქართველოს მხრიდან ალბათ, სწორი იქნება მინიმუმამდე იქნეს დაყვანილი ხმაური და აჟიოტაჟი დოკუმენტის მომზადების ირგვლივ. პასუხების მომზადების პროცესში ფართო საზოგადოების და ოპოზიციური სპექტრის მაქსიმალური ჩართულობა, ჩვეულებრივ პირობებში სასურველი და აუცილებელიც იქნებოდა, მაგრამ ერთთვიანი ვადა ამის საშუალებას არ იძლევა. ამდენად, ალბათ უპრიანი იქნება ამ კითხვებზე პასუხების გაცემის პრეროგატივა მის პირდაპირ ადრესატს - საქართველოს ხელისუფლებას მიეცეს. ცხადია, ხელისუფლებას ამ პროცესში მაინც მოუწევს ევროპული დემოკრატიული მოთხოვნების აუცილებელი მინიმუმის დაცვა და საკმაოდ სერიოზული ვალდებულებების აღება, რაც მომავალში, პასუხების მოწონების შემთხვევაში, მისცემს ოპოზიციას და ფართო საზოგადოებას ევროკავშირთან ერთად აწარმოოს ამ ვალდებულებების შესრულების მჭიდრო და მკაცრი მონიტორინგი“, - აცხადებს ნიკოლოზ ვაშაკიძე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა