„ლელოს” ლიდერები საბა ბუაძე და გრიგოლ გეგელია რუისსა და ურბნისში იმყოფებოდნენ, სადაც სოფლებს ათეულობით წელია წყალმომარაგება და წყლის მიწოდების სისტემა არ აქვთ.

პარტიის ცნობით, „ლელოს“ კამპანია „შენთან ერთად” ფარგლებში, ადგილობრივების მობილიზება მოხდა და აღნიშნული საკითხის საკრებულოს სხდომაზე განხილვის და ცენტრალური ხელისუფლების მიერ პრობლემის მოგვარების მოთხოვნით, 500-მდე ხელმოწერა შეგროვდა.

მათივე ინფორმაციით, საბა ბუაძემ და გრიგოლ გეგელიამ „ლელოს“ ადგილობრივ წარმომადგენლებთან ერთად, მოსახლეობის მოთხოვნა და ხელმოწერები ქარელის მუნიციპალიტეტის საკრებულოს თავმჯდომარეს წარუდგინეს.