რომან გოცირიძე - ფინანსთა სამინისტრომ უნდა გამოსცეს ბრძანებულება და გვაჩვენოს საბაჟო კოდების მითითებით იმ საქონლის ჩამონათვალი, რომელსაც სულ მცირე აკონტროლებს საქართველოს ხელისუფლება

ფინანსთა სამინისტრომ დღესვე უნდა გამოსცეს ბრძანებულება და გვაჩვენოს საბაჟო კოდების მითითებით იმ საქონლის ჩამონათვალი, რომელსაც სულ მცირე აკონტროლებს საქართველოს ხელისუფლება, წინააღმდეგ შემთხვევაში “ბლეფია”, ტყუილია პრემიერ-მინისტრის განცხადება, რომ თურმე საზღვარს აკონტროლებს,- ამის შესახებ “ნაციონალური მოძრაობის” წევრმა რომან გოცირიძემ ჟურნალისტებს განუცხადა.

მისი თქმით, საკითხი არ ეხება სამხედრო ტვირთებს და საუბარია ჩვეულებრივ, სამოქალაქო ტვირთებზე.

„არავითარი კანონი და მრავალთვიანი პროცედურები არაა საჭირო, რათა საქართველოს ხელისუფლებამ გამოაცხადოს იმ საქონლის ჩამონათვალი, რომელიც არ გაივლის საქართველოს ტერიტორიაზე რუსეთში - არც ექსპორტით, არც რეექსპორტით და საქართველოს ტერიტორია რუსეთის მიერ სანქციებისთვის თავის ასარიდებლად არავითარ შემთხვევაში არ იქნება გამოყენებული. ამას ერთი წუთი სჭირდება - მთავრობის მიერ განკარგულების გამოცემა და ფინანსთა სამინისტროს მიერ იმ სასაქონლო კოდების ჩამოწერა, რომლის გატანაც რუსეთში აკრძალულია. ეს არ ეხება სამხედრო ტვირთებს. თავს იმართლებენ, რომ ჩვენთან კონტრაბანდა და სამხედრო ტვირთები არ გადის. სამხედრო ტვირთებზე კი არ არის საუბარი, არამედ ჩვეულებრივ სამოქალაქო ტვირთებზე”,- განაცხადა რომან გოცირიძემ.

გიორგი ბილანიშვილი - სამწუხაროდ, ხელისუფლებას, რომელსაც განსაკუთრებული პასუხისმგებლობა ეკისრება ქვეყნის უსაფრთხოებაზე და მომავალზე, არ გააჩნია ფართო ხედვა და ვერ ახერხებს საერთაშორისო მოვლენების განვითარების სწორად აღქმასა და გააზრებას
ქართული პრესის მიმოხილვა 16.05.2022
ლევან ცუცქირიძე - საქართველოში აუცილებელია პოლარიზაციის დასრულება, რომლის მნიშვნელოვანი ნაწილია მიხეილ სააკაშვილთან დაკავშირებულ რთულ საკითხზე შეთანხმება
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო