იუნესკოს გენერალური დირექტორი და უცხოელი კოლეგები ილია დარჩიაშვილს საგარეო საქმეთა მინისტრის თანამდებობაზე დანიშვნას ულოცავენ

იუნესკოს გენერალური დირექტორი, არგენტინის, საუდის არაბეთის, ყაზახეთის, ტაჯიკეთის და ირანის საგარეო უწყების ხელმძღვანელები ილია დარჩიაშვილს საგარეო საქმეთა მინისტრის თანამდებობაზე დანიშვნას ულოცავენ. ამის შესახებ ინფორმაციას საგარეო საქმეთა სამინისტრო ავრცელებს.

მათივე ცნობით, იუნესკოს გენერალური დირექტორი, ოდრი აზულე საქართველოს საგარეო უწყების ხელმძღვანელისთვის გაგზავნილ მისალოც წერილში მადლიერებას იმ კონსტრუქციული როლისთვის გამოხატავს, რომელსაც საქართველო იუნესკოსთან თანამშრომლობის კონტექსტში ასრულებს.

“საქართველო ორგანიზაციის ძალისხმევას განათლების, კულტურის, მეცნიერების და გამოხატვის თავისუფლების ხელშეწყობისთვის აქტიურად უჭერს მხარს,“- აღნიშნავს იუნესკოს გენერალური დირექტორი.

ასევე არგენტინის რესპუბლიკის საგარეო უწყების ხელმძღვანელი, სანტიაგო კაფიერო ქართველ კოლეგას საგარეო საქმეთა მინისტრის თანამდებობაზე დანიშვნას ულოცავს და წერს, რომ საქართველოსა და არგენტინას ისტორიულად მეგობრული ურთიერთობები აკავშირებთ.

”ჩვენს საერთო ფასეულობებზე დაყრდნობით, შეგიძლიათ იმედი გქონდეთ, რომ ორ ქვეყანას შორის ურთიერთობების გაღრმავებას, ჩვენი ხალხების საკეთილდღეოდ, მომავალშიც ხელს შევუწყობ,“- აღნიშნავს არგენტინის საგარეო საქმეთა მინისტრი.

თავის ოფიციალურ მიმართვაში, საუდის არაბეთის საგარეო საქმეთა მინისტრი, ფაისალ ბინ ფარან ალ საუდი ასევე, ილია დარჩიაშვილს საგარეო საქმეთა მინისტრის პოსტზე დანიშვნას ულოცავს. საუდის არაბეთის საგარეო საქმეთა მინისტრი ორმხრივი ურთიერთობების განხილვისა და სხვადასხვა მიმართულებით თანამშრომლობის განმტკიცების თვალსაზრისით მზადყოფნას გამოთქვამს.

საქართველოს პირველ დიპლომატს, საგარეო საქმეთა მინისტრის თანამდებობაზე დანიშვნას ულოცავს ყაზახეთის რესპუბლიკის ვიცე-პრემიერი, საგარეო საქმეთა მინისტრი მუხტარ ტლეუბერდიც.

„დარწმუნებული ვარ, რომ ყაზახეთსა და საქართველოს შორის მეგობრული ურთიერთობები, რომლებიც წელს დიპლომატიური ურთიერთობების დამყარების 30 წლისთავს აღნიშნავენ, ჩვენი ხალხების სასიკეთოდ მომავალშიც განაგრძობენ განვითარებას. გამოვხატავ იმედს, რომ ჩვენი ერთობლივი შრომა ყაზახეთსა და საქართველოს შორის პოლიტიკური, სავაჭრო, ეკონომიკური, კულტურული და ჰუმანიტარული კავშირების განვითარებას ხელს შეუწყობს,“ - წერს მუხტარ ტლეუბერდი.

„ტაჯიკეთსა და საქართველოს შორის ჩამოყალიბებულია ძლიერი პარტნიორული ურთიერთობები და ურთიერთსასარგებლო თანამშრომლობა. დარწმუნებული ვარ, რომ ორი ქვეყნის საგარეო საქმეთა სამინისტროების ძალისხმევით, ორ ქვეყანას შორის პოლიტიკური დიალოგი და ეკონომიკისა და ჰუმანიტარულ სფეროებში თანამშრომლობა კიდევ უფრო გაძლიერდება“,- წერს მისალოც წერილში ტაჯიკეთის რესპუბლიკის საგარეო საქმეთა მინისტრი, სიროჟიდინ მუჰრიდინი.

ქართველი კოლეგისადმი გამოგზავნილ მისალოც წერილში ირანის ისლამური რესპუბლიკის საგარეო საქმეთა მინისტრი, ჰოსეინ ამირაბდოლაჰიანი ორ ქვეყანას შორის არსებული მეგობრული ურთიერთობების განვითარების იმედს გამოთქვამს,“ - აღნიშნულია გავრცელებულ ინფორმაციაში.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 16.05.2022
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
ნიკოლოზ ვაშაკიძე - არსებული ხელისუფლება წამოადგენს მთავარ დაბრკოლებას ქვეყანა პოლიტიკურად განახლებული და მომზადებული შეხვდეს კარდინალურ ცვლილებებს რეგიონში და მსოფლიოში
„გალერეა დემასში“ პრემიუმ ხარისხის ევროპული სლებების ასორტიმენტი განახლდა
Urban Hotel-ი მარტის დასაწყისიდან უკრაინელ დევნილებს მასპინძლობს
სიმსუქნის ქირურგიული მკურნალობა - ბარიატრიული ოპერაციები ბოჭორიშვილის კლინიკაში
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა