ქუთაისში, აკაკი წერეთლის სახელობის სახელმწიფო უნივერსიტეტის სტუდენტებმა საპროტესტო აქცია გამართეს. პროტესტის მონაწილეები მოითხოვენ, რომ საგანმანათლებლო დაწესებულებაში ონლაინსწავლება და გამოცდების ჩაბარება სასწავლო წლის ბოლომდე შენარჩუნდეს.

აქციაზე შეკრებილების განცხადებით, ქვეყანაში არსებული მძიმე ეკონომიკური მდგომარეობის და ბინის ქირის რეკორდული ზრდის გათვალისწინებით, სტუდენტები რეგიონებიდან თვენახევრის გამო, ქუთაისში ბინის დაქირავებას ვერ მოახერხებენ.

აქციას უნივერსიტეტის ადმინისტრაციაში პასუხობენ. მათი ინფორმაციით, სწავლა ჰიბრიდულად გაგრძელდება, თუმცა გამოცდების ჩაბარება დასწრების რეჟიმში უნდა მოხდეს და გამონაკლისი არ დაიშვება.