სენატორი გარი პეტერსი - ყველა დემოკრატიულმა ქვეყანამ გააცნობიერა, რომ ერთად უნდა ვიდგეთ -  მე, როგორც ამერიკელი სენატორი,  ვიღებ ვალდებულებას, გაგრძელდეს მხარდაჭერა ქართველი ხალხისადმი

მინდა დავადასტურო ჩვენი მხარდაჭერა საქართველოს მიმართ. იმან, რაც ბოლო რამდენიმე კვირის განმავლობაში ვიხილეთ, აჩვენა, რომ კრიტიკულად მნიშვნელოვანია, რომ მთელი მსოფლიო დადგეს ერთად და დემოკრატიები გაძლიერდეს ჩვენი ერთობით, - ამის შესახებ ამერიკელმა სენატორმა გარი პეტერსმა თბილისში გამართულ ბრიფინგზე განაცხადა.

სენატორმა ისაუბრა უკრაინელების მიმართ რუსეთის აგრესიაზე და განაცხადა, რომ მსოფლიოს ყველა დემოკრატიულმა ქვეყანამ გააცნობიერა, რომ ერთად უნდა ვიდგეთ.

„ჩვენ საშინელი აგრესია ვიხილეთ რუსეთის მხრიდან უკრაინელების მიმართ. უკრაინელები მართლაც დაუჯერებელ სიმტკიცეს და სიმამაცეს იჩენენ და ჩვენ განვაგრძობთ მხარდაჭერას ყველა მიმართულებით, როგორც ჰუმანიტარულად, ასევე სამხედრო დახმარებით. რაც იყო ყველაზე შთამბეჭდავი ამ კვირების განმავლობაში, არა მარტო უკრაინელი ხალხის სიმამაცე, არამედ ის, რომ მსოფლიოში ყველა დემოკრატიულმა ქვეყანამ გააცნობიერა, რომ ერთად უნდა ვიდგეთ, რათა გავაკეთოთ ყველაფერი, რისი გაკეთებაც არის საჭირო, რათა უკუვაგდოთ აგრესია, რაც მომდინარეობს პუტინისა და სხვებისგან. მე, როგორც ამერიკელი სენატორი, ვიღებ ვალდებულებას, გაგრძელდეს მხარდაჭერა ქართველი ხალხისადმი, რათა გაძლიერდეს და განვითარდეს დემოკრატია“, - განაცხადა სენატორმა გარი პეტერსმა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 26.05.2022
ანაიტ ვოსკანიანი - სომხეთი მსოფლიოს ყველა ტიპის ტურისტისთვის მიმზიდველი ქვეყანაა
PSP-ს გუნდი ფუტსალის ლიგის 1/2 ფინალშია
ბაზისბანკმა ბიზნესში 305 მილიონი ლარის ინვესტიცია განახორციელა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა