ლაშა ხუციშვილი ათასწლეულის გამოწვევის კორპორაციის ვიცე-პრეზიდენტს შეხვდა

ამერიკის შეერთებულ შტატებში ვიზიტის ფარგლებში, ფინანსთა მინისტრი ლაშა ხუციშვილი ათასწლეულის გამოწვევის კორპორაციის (MCC) ვიცე-პრეზიდენტს, ალისია ფილიპს მანდავილს შეხვდა. ამის შესახებ ინფორმაციას ფინანსთა სამინისტრო ავრცელებს.

უწყების ცნობით, ფინანსთა მინისტრმა MCC ვიცე-პრეზიდენტს მადლობა გადაუხადა იმ მტკიცე მხარდაჭერისთვის, რომელსაც აშშ-ის მთავრობა, ათასწლეულის გამოწვევის კორპორაცია უწევს საქართველოს სხვადასხვა სექტორის რეფორმირების პროცესში.

როგორც ფინანსთა მინისტრმა აღნიშნა, განსაკუთრებულია ათასწლეულის გამოწვევის კორპორაციის ჩართულობა განათლების რეფორმის მიმართულებით, რომელსაც სასიცოცხლო მნიშვნელობა აქვს ეკონომიკური ზრდისა და სიღარიბის შემცირების ხელშეწყობისთვის. აღსანიშნავია, რომ MCC-ის 140 მილიონი დოლარის ოდენობის მეორე კომპაქტი, გახდა ერთ-ერთი ყველაზე დიდი ინვესტიცია საქართველოს განათლების სექტორში.

“ქართულმა მხარემ ათასწლეულის გამოწვევის კორპორაციის ვიცე-პრეზიდენტს მიაწოდა ინფორმაცია ახლახან, საქართველოსა და მსოფლიო ბანკს შორის, ხელმოწერილ შეთანხმებაზე, რომელიც ადამიანური კაპიტალის პროგრამისთვის 400 მლნ აშშ დოლარის ოდენობის ფინანსური რესურსის გამოყოფას ითვალისწინებს.

ყურადღება გამახვილდა იმ ღონისძიებებზე, რომლებიც ქვეყანაში დონორების მხარდაჭერით გადაიდგა ზოგადი, პროფესიული და უმაღლესი განათლების ხარისხის გაუმჯობესებასა და საქართველოს ადამიანური კაპიტალის განვითარებაზე, ასევე, საგანმანათლებლო ინფრასტრუქტურის განვითარებაზე.

შეხვედრის დასასრულს, საქართველოს ფინანსთა მინისტრი მიესალმა MCC-სა და საქართველოს შორის, ახალი პროგრამის შესახებ მოლაპარაკებების დაწყების შესაძლებლობას, რომელიც მიმართული იქნება ქვეყნის განვითარებისა და ეკონომიკური ზრდის დღის წესრიგის მხარდაჭერისკენ”,- აღნიშნულია გავრცელებულ ინფორმაციაში.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა