რუსეთმა აჩვენა, ნამდვილად რისი მოტანა სურს და შეუძლია ევროპაში. რა შეუძლია მას მოუტანოს კიშინიოვს, თბილისს, ჰელსინკს, ვილნიუსს, ვარშავას, პრაღას, ყველა იმ ქალაქსა და ქვეყანას, რომლებსაც რუსი სახელმწიფო პროპაგანდისტები დიდი ხანია ღიად ასახელებენ მოსკოვის სავარაუდო მტრებად, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა.

მისი თქმით, რუსეთის ჯარებმა არაფერი დაიშურეს, არავითარი საშუალება, უკრაინელები დახოცონ და მათი მიწა გაანადგურონ.

"ორ თვეში მათ ჩვენ წინააღმდეგ 1100-ზე მეტი რაკეტა გამოიყენეს. უთვალავი ბომბი და არტილერია. აწამეს, ძარცვავდნენ, სიკვდილით დასაჯეს. ჩვენი მიწა დანაღმულია. მშვიდობიანი ქალაქები და სოფლები ჯოჯოხეთად გადაიქცა. უკრაინის ზოგიერთი ქალაქი და თემი მთლიანად განადგურდა. მაგრამ მათ ვერაფერს მიაღწიეს და ვერ მიაღწევენ", - განაცხადა უკრაინის პრეზიდენტმა.