გია ვოლსკი მარგველაშვილის „ნაცმოძრაობის“ თავმჯდომარედ შესაძლო დანიშვნაზე - თუ ეს ინფორმაცია ნამდვილია, ვფიქრობ, „კლოუნადა“ დავარქვა თუ რაღაც შორსმჭვრეტელური გადაწყვეტილება
თუ ეს ინფორმაცია ნამდვილია, ვფიქრობ, „კლოუნადა“ დავარქვა თუ რაღაც შორსმჭვრეტელური გადაწყვეტილება, - ამის შესახებ „ქართული ოცნების“ წევრმა, პარლამენტის ვიცე-სპიკერმა, გია ვოლსკიმ ჟურნალისტებს განუცხადა, რითაც გამოეხმაურა გავრცელებულ ინფორმაციას, რომ საქართველოს ყოფილი პრეზიდენტი გიორგი მარგველაშვილი, შესაძლოა, „ნაციონალური მოძრაობის“ თავმჯდომარე გახდეს.
ვოლსკის თქმით, „ნაციონალურ მოძრაობას“ „კლოუნადა“ სჩვევია.
„რომელი ავირჩიო - შორსმჭვრეტელური ნამდვილად არაა, "კლოუნადა" კი სჩვევიათ. მაგრამ მარგველაშვილის და მელიას დაპირისპირების თემა ახალი ე.წ. სკანდალური ფორმულირებაა, რაც რაღაც დაზუსტებებს მოითხოვს“,- განაცხადა განაცხადა გია ვოლსკიმ.
ცნობისთვის, გავრცელებული ინფორმაციით, შესაძლოა, „ნაციონალური მოძრაობის“ თავმჯდომარის პოსტი ნიკა მელიამ დატოვოს და მის ნაცვლად პარტიას საქართველოს მეოთხე პრეზიდენტმა გიორგი მარგველაშვილმა უხელმძღვანელოს.
