გიორგი ვაშაძე - „ქართული ოცნების" ლიდერების, ასევე, ევტუშენკოვის განცხადებიდან გამომდინარე, ნამდვილად უნდა ვიფიქროთ, რომ ჩანაწერები ავთენტურია - ამას ექნება შესაბამისი რეაქცია დასავლელი პარტნიორებისგან

„ქართული ოცნების" ლიდერების, ევტუშენკოვის განცხადებიდან გამომდინარე, ნამდვილად უნდა ვიფიქროთ, რომ ეს არის ავთენტური ჩანაწერები - ამას ექნება შესაბამისი რეაქცია დასავლელი პარტნიორებისგან,- ამის შესახებ „სტრატეგია აღმაშენებლის" ლიდერმა გიორგი ვაშაძემ განაცხადა, რითაც გამოეხმაურა გავრცელებულ აუდიოჩანაწერს, სადაც თითქოს „ქართული ოცნების“ დამფუძნებელი ბიძინა ივანიშვილი და რუსი ოლიგარქი ვლადიმერ ევტუშენკოვი საუბრობენ.

მისი თქმით, წითელი ხაზების გადაკვეთას დასავლელი პარტნიორები არავის აპატიებენ, ხოლო ჩანაწერის შინაარსი შესაძლოა, სერიოზულ საფრთხეს შეიცავდეს საქართველოს უსაფრთხოებისთვის.

„კობახიძეს მინდა ვუთხრა, ამ ჩანაწერების შინაარსზე თქმა, რომ თითქოს არაფერი არ ხდება, არასწორია და ამ ჩანაწერს აქვს სერიოზული პრობლემები, საფრთხე შეიძლება შეუქმნას საქართველოს უსაფრთხოებას. ნებისმიერი კავშირის, კოორდინაციის მონიტორინგი სანქცირებულ პირებთან გამადიდებელი შუშის ქვეშ ხდება ჩვენი პარტნიორების მხრიდან. ამიტომ ამას კონკრეტული რეაქცია საჯაროდ თუ არასაჯაროდ ექნება საერთაშორისო პარტნიორების მხრიდან. ყველამ იცის, რომ ამ ქვეყნის რეალური მმართველი არის ივანიშვილი და ამ ჩანაწერით დადასტურდა, რომ არსად წასულა და კონკრეტულ დავალებებს აძლევს პრემიერ-მინისტრს. თუ რაიმე შეუქმნის საფრთხეს ჩვენს ეროვნულ ინტერესებს, ეს იქნება დე-ფაქტო, ფაქტობრივი თუ მარიონეტული მმართველების კავშირი რუსეთის ფედერაციასთან, ეს იქნება წითელი ხაზი, რასაც არ გვაპატიებენ დასავლელი პარტნიორები“, - განაცხადა ვაშაძემ.

ამასთან, ვაშაძე გამოეხმაურა „ნაციონალური მოძრაობის" მიერ მომზადებულ რეზოლუციის პროექტს უკრაინაში რუსეთის მიერ განხორციელებულ გენოციდზე და აღნიშნა, რომ უკრაინაში განხორციელდა გენოციდი და ამის აღიარების არავის უნდა ეშინოდეს, რადგან გენოციდის მსხვერპლი საქართველოს მოქალაქეები გახდნენ აფხაზეთში და სამაჩაბლოში. თუმცა, მისივე თქმით, მათ ადგილას ამ ინიციატივის შემოტანას ცოტა გადაავადებდა, რადგან ახლა მთავარი შეკითხვა არის ბიძინა ივანიშვილთან, იყენებს თუ არა ახლა რუსეთი და რუსი ოლიგარქები მასთან კავშირს სანქციებისთვის გვერდის ასავლელად, რასაც პასუხი უნდა გაეცეს, რადგან ეს არის ეროვნული უსაფრთხოების საკითხი.

„ქართული ოცნება" ამას მხარს არ დაუჭერს ჩემი აზრით, ეს იქნება მათთვის ტესტი, რა მხარეს არიან. მე მგონია, რომ ისინი ამ თემას საზოგადოების დასაშინებლად გამოიყენებენ,"- განაცხადა ვაშაძემ.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო