დავით სერგეენკო სააკაშვილზე - პოლიტიკოსებთან სათხოვარი მექნება, შეძლებისდაგვარად ჩამოშორდნენ აქტიურობას ამ თემაზე და მისცენ ექიმებს გადაწყვეტილების მიღების საშუალება

ექიმები უნდა შეჯერდნენ და რაც პაციენტის მდგომარეობის სამართავად იქნება საუკეთესო, ისეთი გადაწყვეტილებები უნდა მიიღონ, პოლიტიკოსებთან მექნება სათხოვარი, შეძლებისდაგვარად ჩამოშორდნენ აქტიურობას ამ თემაზე და მისცენ ექიმებს გადაწყვეტილების მიღების საშუალება, - ამის შესახებ ჟურნალისტებთან პარლამენტის ვიცე- სპიკერმა დავით სერგეენკომ მიხეილ სააკაშვილის ჯანმრთელობის მდგომარეობის და მისი საზღვარგარეთ მკურნალობის მოთხოვნის კომენტირებისას განაცხადა.

მისივე თქმით, პოლიტიკური ზეწოლა შეიძლება მცდარი საექიმო გადაწყვეტილებების საფუძველი გახდეს.

რაც შეეხება მმართველი გუნდის სხვა წარმომადგენელთა განცხადებებს, რომ სააკაშვილი საქართველოში არეულობის მოსაწყობად ჩამოვიდა, სერგეენკო აცხადებს, რომ ალბათ, ეს ასეც არის, თუმცა, ახლა მნიშვნელოვანი მისი ჯანმრთელობის მდგომარეობის სწორი მართვაა.

"მისი ჩამოსვლის მიზეზი ბოლომდე ჩემთვის უცნობია, ალბათ, ასეც იყო, როგორც ითქვა. თუმცა, ახლა მნიშვნელოვანია არა ის შედეგები, რაც შეიძლება დადგეს მასთან მიმართებით, არამედ მისი ჯანმრთელობის მდგომარეობის სწორი მართვა, პოლიტიკური ხელოვნურად გაზრდილი ტემპერატურის ნიველირება, რომ კლინიკური მართვის მიმართულებით სწორი გადაწყვეტილებები იქნას მიღებული,"- განაცხადა სერგეენკომ.

თენგიზ ფხალაძე - დღეს თამაშის დრო ნამდვილად არ არის, 12-ვე ვალდებულება უნდა შესრულდეს და არა შესრულების ილუზია შეიქმნას, კანდიდატობის ვერ მიღება მხოლოდ ჩვენს თავს უნდა დავაბრალოთ და სხვას არავის
ქართული პრესის მიმოხილვა 27.06.2022
უკრაინის დამოუკიდებელი ანტიკორუფციული კომისიის აღმასრულებელი დირექტორი - დრო ჩვენთვის სიცოცხლით იზომება, ჩვენ არც თუ ისე ტოლერანტულები ვართ ლოდინისადმი - ამ დროში ვკარგავთ ქვეყანას, რომელსაც რუსეთი წამებით კლავს
„სილქ როუდ ჯგუფი“ ბიზნესმენ ლევან კაჭარავას გარდაცვალებას ეხმაურება
პირველი კრიპტო POS-ტერმინალი საქართველოშია