"დირსის" საცხოვრებელ კომპლექსში მომხდარი მკვლელობისა და დაჭრის საქმეზე დაკავებულს, გრიგოლ დოჩიას დროებითი მოთავსების იზოლატორში ამ წუთებში ადვოკატი ხვდება.

როგორც ადვოკატი გოგა ბოგვერაძე აცხადებს, მისთვის ამ დრომდე საქმის მასალები არ გადაუციათ. რაც შეეხება დაკავებულის პოზიციას, ადვოკატისთვის უცნობია, ვინაიდან ის დოჩიას პირველად ხვდება.

ბოგვერაძის ცნობით, დაკავებულს ბრალს ოფიციალურად ხვალ წაუყენებენ.

ცნობისთვის, თბილისში, ბერი გაბრიელ სალოსის ქუჩაზე, საცხოვრებელ კომპლექს "დირსთან" მომხდარი მკვლელობისა და დაჭრის ფაქტზე სამართალდამცავებმა 38 წელის მამაკაცი, გრიგოლ დოჩია დააკავეს.

დაკავებულმა პირმა ცივი იარაღით ჭრილობა 4 პირს, მათ შორის, არასრულწლოვანს მიაყენა, რის შემდეგაც მიიმალა. მიღებული ჭრილობების შედეგად ერთი პირი - არასრულწლოვნის მამა გარდაიცვალა. 2 დაჭრილი და გარდაცვლილი ერთი ოჯახის წევრები არიან, მეოთხე პირი კი, მეზობელია.