გიორგი კალანდარიშვილის შეფასებით, რამდენიმე არჩევნებზე ტექნოლოგიური საშუალებების გამოყენებამ აჩვენა, რომ საქართველოში მათი ფართომასშტაბიანი დანერგვა სრულებით შესაძლებელია

ცენტრალური საარჩევნო კომისიის თავმჯდომარის გიორგი კალანდარიშვილის შეფასებით, რამდენიმე არჩევნებზე ტექნოლოგიური საშუალებების გამოყენებამ აჩვენა, რომ საქართველოში მათი ფართომასშტაბიანი დანერგვა სრულებით შესაძლებელია.

როგორც კალანდარიშვილმა ჟურნალისტებს განუცხადა, ადმინისტრაცია გამოიყენებს ყველა შესაძლებლობას, იქნება ეს შუალედური არჩევნები თუ სხვა პატარა მასშტაბის არჩევნები იმისთვის, რომ ეტაპობრივად, ნაბიჯ-ნაბიჯ მოახდინოს კიდევ პილოტირება, რათა 2024 წელს თუ ყოველი მომდევნო არჩევნებისას ტექნოლოგიური საშუალებების გამოყენების მასშტაბები მნიშვნელოვნად გაიზარდოს.

“საქართველოში ტექნოლოგიური საშუალებების გამოყენებამ ცხადყო, რომ მის გამოყენებას ძალიან დიდი პერსპექტივები აქვს. შესაბამისად, დღეს ჩვენ დავიწყეთ ფართო დისკუსიები და განხილვები მათი ფართომასშტაბიანად გამოყენების შესახებ. აღსანიშნავია, რომ 2 აპრილს, ბათუმის საარჩევნო ოლქში 14-ვე საარჩევნო უბანზე პირველად იქნა გამოყენებული და შეიძლება ეს ფაქტი ისტორიულად შეფასდეს, ამომრჩევლის ვერიფიკაციის აპარატები, ხმის მიცემისა და ხმების მთვლელ აპარატებთან მიმართებაში და თამამად შეიძლება ითქვას, რომ ეს პროექტი წარმატებით შედგა, მიუხედავად იმ მცირედი ტექნიკური გამოწვევებისა, რომელიც ამ პილოტის ფარგლებში ჩვენ გამოვავლინეთ. ვფიქრობ, ადმინისტრაციის მიერ უკვე 5 არჩევნებისას გამოყენებული სხვადასხვა ტექნიკური საშუალებების გამოცდილება გვაძლევს შესაძლებლობას ვიფიქროთ და ვიმსჯელოთ შესაბამისი ტექნოლოგიური საშუალებების ფართომასშტაბიანად გამოყენების შესახებ. გამოვლენილი მცირე ხარვეზების უმრავლესობა აბსოლუტურად ტექნიკური იყო და ამ ხარვეზების შესახებ წინასწარ გვქონდა რისკები იდენტიფიცირებული, რომელიც აღმოიფხვრა. საჩივრების მცირე რაოდენობა, არჩევნების მშვიდ ვითარებაში ჩატარება ნაკლები პრობლემების გარეშე და შედეგების უმოკლეს ვადებში გასაჯაროება არის ის მთავარი მიღწევები, რომელიც ამ ტექნოლოგიური საშუალებების გამოყენებას ჰქონდა, რაც მიუთითებს იმაზე, რომ ამ ტექნოლოგიური საშუალებების გამოყენებას, კერძოდ, ვერიფიკაციის აპარატების და ხმის მიცემის აპარატების კომპლექსურად გამოყენებას ძალიან დიდი პერსპექტივები აქვს. შესაბამისად, ადმინისტრაცია გამოიყენებს ყველა შესაძლებლობას, იქნება ეს შუალედური არჩევნები თუ სხვა პატარა მასშტაბის არჩევნები იმისთვის, რომ ეტაპობრივად, ნაბიჯ-ნაბიჯ მოახდინოს კიდევ პილოტირება იმისთვის, რომ 2024 წელს თუ ყოველი მომდევნო არჩევნებისას შევძლოთ ჩართულ მხარეებთან ერთად მსჯელობა იმის თაობაზე, რომ ტექნოლოგიური საშუალებების გამოყენების მასშტაბები მნიშვნელოვნად გაიზარდოს",- განაცხადა კალანდარიშვილმა.

ცნობისთვის, ამ წუთებში, ცესკოს ორგანიზებით, საარჩევნო პროცესებში ელექტრონული ტექნოლოგიების გამოყენების ანგარიშის პრეზენტაცია იმართება

ცესკოს თავმჯდომარე სამოქალაქო სექტორისა და პოლიტიკური პარტიების წარმომადგენლებს აცნობს საპილოტე პროექტს, რომელიც საარჩევნო პროცესებში ელექტრონული ტექნოლოგიების დანერგვას ითვალისწინებს.

ალექსანდრე თვალჭრელიძე - ფრიდმანის წინააღმდეგ სანქციების დაწესებამ იდეალური შესაძლებლობა შექმნა კომპანიის გაკოტრების და იქ სახელმწიფო მმართველის იმპერატიული დანიშვნისთვის, ამას კი „ბორჯომის“ ნაციონალიზაცია უნდა მოჰყვეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
თამარ ალადაშვილი - გარემოსდაცვითი ინფორმაციისა და განათლების ცენტრს ახალი ფუნქციები ემატება, რაც კიდევ უფრო მეტად შეუწყობს ხელს საზოგადოების გარემოსდაცვით საკითხებში ჩართულობას
„მაკდონალდს საქართველო“ Mc Happy Day-ის საქველმოქმედო კამპანიას იწყებს
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა