ბადრი ჯაფარიძე - ირაკლი ქადაგიშვილმა და გია ვოლსკიმ თქვეს მორიგი უსინდისო ტყუილი და შესანიშნავად იციან, რომ რასაც ამბობენ, ეს არის ტყუილი

ირაკლი ქადაგიშვილმა და გია ვოლსკიმ თქვეს მორიგი უსინდისო ტყუილი და შესანიშნავად იციან, რომ რასაც ამბობენ, ეს არის ტყუილი. ეს არის მათი პარტიისთვის დამახასიათებელი ხელწერა - ადამიანებს დააბრალო ის, რასაც არასდროს ადგილი არ ჰქონია, - ამის შესახებ „ლელოს“ ერთ-ერთმა ლიდერმა ბადრი ჯაფარიძემ განაცხადა.

მისი თქმით, სინამდვილეში, თავის დროზე, ბორჯომის გაპარტახებული ინდუსტრია მსოფლიო ბანკთან, ევროპის რეკონსტრუქციის და განვითარების ბანკთან, perrier international- ის პრეზიდენტთან, ძალიან ცნობილ იტალიელ, ჰოლანდიელ და ფრანგ ინვესტორებთან ერთად გარდაქმნეს კონკურენტულ საწარმოდ.

„მინდა გითხრათ, რომ ერთადერთი საწარმო და ბიზნესია საქართველოში, რომელიც შეტანილია ჰარვარდის უნივერსიტეტის მაგისტრატურის სასწავლო კურსში როგორც წარმატებული ბიზნეს ქეისი.

ჩვენ ეს მოვახერხეთ და ვამაყობ იმით, რაც გავაკეთეთ მამუკამ, მე და ჩვენმა საერთაშორისო პარტნიორებმა.

2003 წელს, ბორჯომის ბიზნესი შეიძინა პატარკაციშვილის და მისი პარტნიორების მიერ დაფუძნებულმა საინვესტიციო ფონდმა - "სალფორდი".

2013 წელს კი "სალფორდის" მიერ ბორჯომის აქციების საკონტროლო პაკეტი გასხვისდა "ალფა ჯგუფზე". თუმცა "ბორჯომის კომპანიაში" დღემდე მნიშვნელოვან წილს ინარჩუნებს პატარკაციშვილების ოჯახი.

ეს ისტორია რაც დღეს ხდება "ბორჯომის" ირგვლივ საგანგაშოა, იმიტომ, რომ ძალიან მნიშვნელოვანი, წარმატებული ბიზნესი ეჯახება გადაულახავ სირთულეებს. ამისთვის საჭიროა სახელმწიფომ და პატარკაციშვილების ოჯახმა მაქსიმალური გააკეთონ იმისათვის, რომ "ბორჯომის" ბიზნესი არ შეჩერდეს, ადამიანები უმუშევრები არ დარჩნენ და წარმატებული ისტორია გაგრძელდეს“, - განაცხადა ჯაფარიძემ.

ეკატერინე ციმაკურიძე - როცა ტელევიზიის ხელმძღვანელს ასამართლებენ სრულიად არადამაჯერებელი მართლმსაჯულებით, ეს ნამდვილად არაა დასავლური მისწრაფება, ხელისუფლება კი ამბობს, რომ აქვს ევროატლანტიკური კურსი, მაგრამ საქმით სხვა რამეს ამტკიცებს
ქართული პრესის მიმოხილვა 16.05.2022
მუსიკათერაპია, როგორც ბედნიერების ტრენინგი
კომპანია „სმარტ ბუღალტერია“ - უნივერსალური და მაღალკვალიფიციური მომსახურება საბუღალტრო, ფინანსურ და საგადასახადო სფეროში
სამართლებრივი ინტერესების დაცვა ადგილობრივ და საერთაშორისო დონეზე
იშოპინგე „კარფურის“ აპლიკაციაში და მიიღე შანსი მოიგო უამრავი პრიზი
ექსკლუზიური ბრენდები და სასიამოვნო გარემო - ქავთარაძის „სითი მოლის“ პრემიუმ სივრცეში მაღაზია „სენსი“ გაიხსნა
კავკასიაში პირველი ციფრული ლოგისტიკის მენეჯმენტის ერთობლივი სამაგისტრო პროგრამა - კავკასიის უნივერსიტეტისა და TH Wildau-ის პარტნიორობის პერსპექტივები
"ლიბერთიმ" -,,გაზარდე შენი ბიზნესი“ კამპანიის ფარგლებში აგრო და ბიზნესის წარმომადგენლებთან შეხვედრები დაიწყო