პროკურორის ინფორმაციით, ვაზისუბანში მშობლების მკვლელობის მოტივად დედ-მამასთან პირადი უთანხმოება სახელდება

პროკურორის ინფორმაციით, ვაზისუბანში მომხდარი დანაშაულის მოტივად, რა დროსაც ახალგაზრდა მამაკაცმა საკუთარი მშობლები მოკლა, სახელდება კონფლიქტი და პირადი უთანხმოება მშობლებთან, რომელიც გარკვეული პერიოდის განმავლობაში ხდებოდა. როგორც ჟურნალისტებს საქმის პროკურორმა თამარ იაკობიძემ განუცხადა, ახალგაზრდა კაცი მიუთითებს, რომ კონფლიქტი ძირითადად მამასთან ჰქონდა.

პროკურორის განმარტებით, მკვლელობის დროს მამაკაცი ფხიზელ მდგომარეობაში იყო. მისივე თქმით, ბრალდების მხარე პატიმრობის გამოყენებას შუამდგომლობს. პროკურორის თქმით, მოცემულ შემთხვევაში წარდგენილი ბრალდება ითვალისწინებს როგორც ცეცხლსასროლი იარაღისა და საბრძოლო მასალის უკანონოდ შეძენა-შენახვა-ტარებას, ისე დამამძიმებელ გარემოებაში უმწეო მდგომარეობაში მყოფი ოჯახის ორი წევრის განზრახ მკვლელობას.

„ვეცდები ბევრ დეტალზე არ ვისაუბრო, რადგან გამოძიება გრძელდება. ამ ეტაპზე, საქმეზე მიღებული მტკიცებულებებით დადგენილია, რომ კონფლიქტი ჰქონდა მშობლებთან, ძირითადად მამასთან, თუმცა რთული ურთიერთობა ჰქონდა დედასთან და აღნიშნული მკვლელობა დაგეგმა გარკვეული დღეებით ადრე, რომელიც 27 აპრილს განახორციელა. ყაჩაღობის ინსცენირებას აღიარებს. ამოღებულია რამდენიმე იარაღი, მამას გააჩნდა რეგისტრირებული იარაღები, თუმცა ამოღებულია არარეგისტრირებული იარაღებიც. ერთ შემთხვევაში მკვლელობა განხორციელებულია მამის რეგისტრირებული იარაღიდან, ხოლო, მეორე შემთხვევაში განხორციელებულია არარეგისტრირებული იარაღიდან“, - განაცხადა იაკობიძემ.

რაც შეეხება კითხვას, მკვლელობა ე.წ. მაყუჩიანი იარღით მოხდა თუ არა, ვინაიდან ორივე გარდაცვლილი მშობელი მკვლელობისას მძინარე მდგომარეობაში იყო, როგორც პროკურორი პასუხობს, გვამებზე დანიშნულია სასამართლო-სამედიცინო ექპერტიზა და დამატებითი ინფორმაცია ცნობილი სწორედ სამედიცინო ექპერტიზით გახდება ცნობილი.

„ამ ეტაპზე დადგენილია, რომ ორივე მშობელს სხვადასხვა ოთახში ეძინა. მამის მიმართ სროლა განხორციელდა თავის არეში და სხვა ოთახში მყოფი დედის მიმართ კი, ცოტა ხნის შემდეგ. მომხდარი თავადვე აღიარა, თუმცა, რა თქმა უნდა, მხოლოდ აღიარება არ გახდა ბრალდების საფუძველი. საქმეზე ამოღებულია არაერთი მტკიცებულება, მათ შორის, საუბარია ყაჩაყობის ინსცენირებაზე, საცხოვრებელი სახლიდან წაღებულია ნივთები, რომელიც სწორედ ავტომობილიდან იქნა ამოღებული. სხვადასხვა ნივთებია, მათ შორის, ფული და ოქრო. ამ ეტაპზე, გარკვეული ავტომობილები გადაყვანილია საჯარიმო ავტოსადგომზე“, - განაცხადა თამარ იაკობიძემ და აქვე განმარტა, რომ თუ რა კავშირშია მომხდართან საჯარიმო ავტოსადგომზე გადაყვანილი ავტომობილები ამას გამოძიება დაადგენს.

პროკურორის განმარტებით, მკვლელობის შემდეგ სახლში გაჩენილ ხანძართან დაკავშირებით შეტყობინება შევიდა 112-ში და რის შემდეგაც სამაშველო სამსახური ადგილზე გამოცხადდა.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 02.02.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
Samsung-მა უახლესი Galaxy S23 სერია წარადგინა
GM PHARMA-ს ხარისხის კონტროლისა და მიკრობიოლოგიური ლაბორატორიების აღიარება
„ბიზნეს დიალოგი“ – „ლიბერთის“ ინიციატივა რეგიონებში
Mastercard, USAID და საქართველოს ფინტექ ასოციაცია მცირე და საშუალო ბიზნესებისთვის Tap on Phone პროექტს წარადგენენ
თბილისში „სიმეტრიას“ მიერ განვითარებული საერთაშორისო ბრენდის ახალი სასტუმრო - Holiday Inn Express Tbilisi Avlabari გაიხსნა
იოსებ კეჭაყმაძის საკომპოზიტორო შემოქმედება და ფონდი „ქართული გალობა“
ექსპერტიზის ბიურო მომსახურების განახლებულ ტარიფებთან დაკავშირებით განცხადებას ავრცელებს
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება