ირაკლი ღარიბაშვილი - აქტიურად განვიხილავ, რომ ქუთაისში, პარლამენტის შენობისა და მის მიმდებარედ ტექნოპარკი შეიქმნას

საქართველოს პრემიერ-მინისტრის, ირაკლი ღარიბაშვილის განცხადებით, ქუთაისში, პარლამენტის შენობაში და მიმდებარე ტერიტორიაზე მთავრობა ტექნოპარკის გაკეთებას გეგმავს.

როგორც ღარიბაშვილმა ჟურნალისტებს განუცხადა, მოლაპარაკებები უცხოურ კომპანიებთან მიმდინარებს.

“განვიხილავ აქტიურად, რომ ქუთაისში, პარლამენტის შენობის და მის მიმდებარედ შეიქმნას ტექნოპარკი, რომელიც მისცემს ჩვენს ახალგაზრდებს, რომ დასაქმდნენ. ამას მინდა მივაბა IT სპეციალობის კურსები, გადავამზადოთ ათასობით ადამიანი. ქუთაისში განვიხილავთ ტექნოპარკის გაკეთებას. არის შემოთავაზებები მსხვილი ჯგუფებისგან, მათ შორის ებრაული კომპანიებისგან და ევროპული ტრანსნაციონალური კომპანიებისგანაც, რომ [ქუთაისში, პარლამენტის შენობაში] შეიძლება მანდ გაკეთდეს უნიკალური, რეგიონში თვალსაჩინო ტექნოლოგიური პარკი, როგორიც არის სოლიკონ ველი ამერიკაში. ახლა მოლაპარაკებები გვაქვს ამ კომპანიებთან, გამოკვეთილია მსხვილი ჯგუფები, მაგრამ გვინდა ჩვენი მოქალაქეების ინტერესები მაქსიმალურად იყოს დაცული, არა მხოლოდ ჩამოსულები დავასაქმოთ, არამედ ადგილობრივები გადავამზადოთ და დავასაქმოთ. IT სპეციალობა მოთხოვნადი პროფესიაა, კარგი IT სპეციალისტის შემოსავალი თვეში 4-5 ათას დოლარს შეადგენს. რაც მთავარია ისინი არა მხოლოდ ქართულ, უცხოურ კომპანიებსაც მოემსახურებიან“, - განაცხადა ღარიბაშვილმა.

ამასთან, პრემიერმა განათლებაზე საუბრისას ხაზი გაუსვა, რომ ქვეყნის მთავარი პრიორიტეტი და ამოცანა ჩვენი მოქალაქეებისთვის ხარისხიანი საშუალო განათლების მიცემა უნდა იყოს.

„მას შემდეგ, რაც დაინგრა საბჭოთა კავშირი და ჩვენ დავიბრუნეთ დამოუკიდებლობა, ბოლო 30 წელია მხოლოდ ნგრევა მიმდინარეობდა, ჩვენივე ხელით ვანგრევდით ჩვენს ქვეყანას. მათ შორის, ის უპასუხისმგებლო პოლიტიკოსები, მოღალატე, გამყიდველი პოლიტიკოსები, რომლებმაც დაანგრიეს ჩვენი ქვეყანა, დაკარგეს ტერიტორიები, დღესაც მავნებლობენ. ჩვენი ხელით დავშალეთ ყველა სისტემა, ქარხნები, წარმოება, ინდუსტრია. ყველაფერი ჩვენ მოვსპეთ. მათ შორის, განათლების სისტემა, რომელსაც აქტიური მუშაობა სჭირდება. განათლების მინისტრი ძალიან აქტიურად მუშაობს. პირველი ჩვენი მთავარი პრიორიტეტი და ამოცანა უნდა იყოს ხარისხიანი საშუალო განათლების მიცემა ჩვენი მოქალაქეებისთვის. უკვე დავიწყეთ 800 სკოლის რეაბილიტაცია, ამას ემატება ის, რომ ვმუშაობთ განათლების ხარისხის ამაღლებაზე, გაძლიერებაზე, პედაგოგების დონის ამაღლებაზე, მათ პროფესიონალიზმზე. ამას დრო სჭირდება, მაგრამ ამ მიმართულებით მივდივართ.

რაც შეეხება უმაღლეს განათლებას, ქუთაისში კლასიკური მაგალითია, რომ ბატონი ბიძინა ივანიშვილის და მისი ოჯახის დაფინანსებით უნიკალური უნივერსიტეტი შეიქმნა. რომ მეუბნებით ახალგაზრდები ვერ სწავლობენო, ქუთაისის უნივერსიტეტი არის ძალიან მაგარი უნივერსიტეტი და ყველას შეუძლია ისწავლოს, ვისაც უნარები და ამის სურვილი აქვს. მოგეხსენებათ, ბოლო პერიოდში ქვეყანაში აქტიურად შემოედინებიან IT სპეციალისტები, ექსპერტები და ამ კომპანიაში დასაქმებული უამრავი ადამიანი საქართველოდან ემსახურებიან გლობალურ კომპანიებს. ეს ძალიან კარგი შესაძლებლობაა“, - განაცხადა ღარიბაშვილმა.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს