პოლიტიკური პარტია „ევროპელი დემოკრატების“ გენერალური მდივანი მამუკა გამყრელიძე „საგარეო პოლიტიკის საბჭოს“ წევრებს შეხვდა. ამის შესახებ ინფორმაციას პარტიის პრესსამსახური ავრცელებს.
პრესსამსახურის ინფორმაციით, დიკუსიის თემა რეგიონში არსებული პოლიტიკური ვითარება, უკრაინის მხარდამჭერ პროცესში საერთაშორისო ჩართულობა და რუსეთის ეკონომიკაზე სანქციების ზემოქმედების მოსალოდნელი შედეგები იყო.
მათივე ცნობით, „საგარეო პოლიტიკის საბჭო“, რომელიც აერთიანებს საერთაშორისო ურთიერთობების ახალგაზრდა სპეციალისტებს, ასეთ შეხვედრებს რეგულარულად მართავს.
„პროექტი საქართველოში პოლონეთის საელჩოს მხარდაჭერით ხორციელდება.
მსგავსი პროექტები აუცილებელია მომავალი დიპლომატებისთვის. პირადი ურთიერთობები სხვადასხვა თაობის სპეციალისტებს შორის, გამოცდილების და მოსაზრებების გაზიარება უაღრესად მნიშვნელოვანია მომავალი დიპლომატების და პოლიტოლოგიებისთვის“, - განაცხადა პარტია „ევროპელი დემოკრატების“ გენერალურმა მდივანმა მამუკა გამყრელიძემ.
შეხვედრა ილიას სახელმწიფო უნივერსიტეტში გაიმართა.