მოსალოდნელია, რომ ევროკომისია 3 მაისს ევროკავშირის ელჩებს განსახილველად რუსეთის წინააღმდეგ სანქციების მეექვსე პაკეტს გადასცემს. ახალი სანქციების გამოქვეყნება კი 9 მაისისთვის იგეგმება. ამის შესახებ გამოცემა „პოლიტიკო“ წყაროებზე დაყრდნობით იუწყება.

გამოცემის ინფორმაციით, მოსალოდნელია, რომ სანქციების ახალი პაკეტი მოიცავს ეტაპობრივად სანავთობო ემბარგოს.

გარდა ამისა, სანქციები შეეხება რუსეთის მოქალაქეთა გარკვეულ რაოდენობას, ასევე რუსეთის ბანკებსა და „სბერბანკს“.

დიპლომატების თქმით, რომელთა ვინაობა არ სახელდება, რუსეთის ნავთობის იმპორტის აკრძალვა იგეგმება ეტაპობრივად, წლის ბოლომდე.

გარდა ამისა, უნგრეთისა და სლოვაკეთისთვის იგეგმება გარკვეული გამონაკლისის ფორმულის შექმნა, რადგან ეს ორი ქვეყანა დამოკიდებულია რუსეთის ნავთობზე და სირთულეებს აწყდებიან ალტერნატიული მიწოდებების ძიებაში.

კიდევ ერთი მედიასაშუალების, "რადიო თავისუფლების" ჟურნალისტის რიკარდ იოზვიაკის ინფორმაციით, ევროკავშირის სანქციების მეექვსე პაკეტის განხილვა 4 მაისს იგეგმება.