მიხეილ სარჯველაძე პოდოლიაკის განცხადებაზე - ბრალდებების მიზეზი შეიძლება ის იყოს, რომ ცალკეულ თანამდებობის პირებს, რომელთაც გააჩნდათ რუსეთთან საქმიანი  ურთიერთობები, ეს შეიძლება დღემდე შენარჩუნებული აქვთ

ბრალდებების მიზეზი შეიძლება იყოს ის, რომ ცალკეულ თანამდებობის პირებს უკრაინის ხელისუფლებაში, რომელთაც გააჩნდათ რუსეთთან ძალიან აქტიური, საქმიანი და ბევრი სხვანაირი ურთიერთობები, ეს შეიძლება დღემდე შენარჩუნებული აქვთ,- ასე პასუხობს ადამიანის უფლებათა კომიტეტის თავმჯდომარე მიხეილ სარჯველაძე ჟურნალისტებთან განაცხადა, რითაც გამოეხმაურა უკრაინის პრეზიდენტის ოფისის ხელმძღვანელის მრჩეველის მიხაილო პოდოლიაკის განცხადებას.

მიხეილ სარჯველაძე აცხადებს, რომ რასაც ამბობს, ეს არის არა ბრალდება, "არამედ ფაქტის კონსტატაცია, რომ ზოგიერთ პოლიტიკოსს, რომელიც ახლა საქართველოს წინააღმდეგ აქტიურობს, შეიძლება ჰქონდეს უფრო პრორუსული აქცენტები გაკეთებული თავის დროზე".

"მე რომ ვარაუდი გამოვთქვა, თქვენ ხოცავთ ადამიანებს ქუჩაში, თქვენ დაიწყებთ ძებნას სად დაამტკიცოთ თქვენი უდანაშაულობა, თუ მეტყვით, რამე ხომ არ აურიეო?! ვარაუდების დონეზე შეგვიძლია ვისაუბროთ რას შეიძლება გამოეწვია ასეთი უსაფუძვლო ბრალდებების წამოყენება, მათ შორის, გულშემატკივრობა კონკრეტული ოპოზიციური ძალისა საქართველოში, შეიძლება ვერსიად განვიხილოთ ისიც, რომ შენარჩუნებული აქვს ვინმეს დღემდე ის რუსული კავშირები, რომელიც გააჩნიათ და ამის გამო გულშემატკივრობენ. კონკრეტულ შემთხვევაში რა არის მიზეზი, ამას ფაქტის დონეზე ვერ ვისაუბრებ. მე მგონია, ყველაზე დამაჯერებელი არის გულშემატკივრობა აქ ოპოზიციური პოლიტიკური ჯგუფის, შესაძლებელია იყოს ის, რომ უკრაინის ხელისუფლებაში ცალკეულ თანამდებობის პირებს, რომელთაც გააჩნიათ რუსეთთან ძალიან აქტიური, საქმიანი და ბევრი სხვანაირი ურთიერთობები, შეიძლება დღემდე შენარჩუნებული აქვთ. მე მგონია, ასეთი რიტორიკა და დაუსაბუთებელი ბრალდებები საქართველოს მიმართ იყოს მხოლოდ და მხოლოდ რუსული ინტერესით განპირობებული. არიან ასეთები, ღია რესურსებით ინტერნეტში შეგიძლიათ მონახოთ,"- განაცხადა სარჯველაძემ.

ცნობისათვის, უკრაინის პრეზიდენტის ოფისის ხელმძღვანელის მრჩეველმა მიხაილო პოდოლიაკმა განაცხადა, რომ საქართველოს მთავრობის პოზიცია დემოკრატიული საერთაშორისო საზოგადოების პოზიციას უპირისპირდება.

„საქართველოს მთავრობის და რა თქმა უნდა, არა ხალხის, პოზიცია სრულებით აშკარად უპირისპირდება დემოკრატიული საერთაშორისო საზოგადოების პოზიციას. საქართველოს ხელისუფლება პირდაპირ თუ ირიბად უკავშირდება ბატონ ივანიშვილს, რომელიც მკაფიოდ წარმოდგენილი რუსი ოლიგარქია და სამწუხაროდ, უკვე დიდი ხანია აქვს გავლენა, საქართველოს დღევანდელ ხელისუფლებაზე. ჩვენ ვხედავთ, რომ საქართველო ცოტა არ იყოს უცნაურად უყურებს უკრაინაში ომს. არ იკავებს ისეთივე მკაფიო და არაორაზროვან პოზიციებს, როგორიც აქვს ევროკავშირის ქვეყნებს და შეერთებულ შტატებს. რაც შეეხება დაზვერვის მონაცემებს, ჩვენ გვაქვს ინფორმაცია [რუსეთის] მიმდინარე მოლაპარაკებებზე სხვადასხვა ქვეყნებთან, იქნება ეს ბელარუსი და რუსეთი, საქართველო და რუსეთი, თუ სომხეთი და რუსეთი. ჩვენი საგარეო დაზვერვა აკონტროლებს ამ ყველაფერს,"- განაცხადა პოდოლიაკმა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს