ჯანდაცვის მინისტრის, ზურაბ აზარაშვილის განცხადებით, ის თბილისის ინფექციური საავადმყოფოს დირექტორთან თენგიზ ცერცვაძესთან შეხვედრას გეგმავს.

როგორც აზარაშვილი განმარტავს, რამდენიმე დღეა, რაც მას თენგიზ ცერცვაძესთან არ უსაუბრია.

„რამდენიმე დღეა არ გვისაუბრია. დღის განმავლობაში შევხვდები და შემდეგ შემეძლება გიპასუხოთ“,- აღნიშნავს მინისტრი.

თბილისის ინფექციური საავადმყოფოს გენერალური დირექტორის თენგიზ ცერცვაძის მიერ თანამდებობის დატოვების შესახებ კლინიკაში ინფორმაციას არ ფლობენ. როგორც „ინტერპრესნიუსს“ კლინიკის პრესსამსახურში განუცხადეს, მათ მსგავსი ინფორმაციის შესახებ არ სმენიათ. ცნობისთვის, ცოტა ხნის წინ მედიაში გავრცელდა ინფორმაცია, რომლის თანახმად, თბილისის ინფექციური საავადმყოფოს დირექტორმა თენგიზ ცერცვაძემ თანამდებობა დატოვა.