მამუკა გამყრელიძე - სანქციების ახალი პაკეტი და   ნავთობის ემბარგო  ყველაზე სწრაფად მოახდენს ზემოქმედებას რუსეთის ეკონომიკაზე და მას უმძიმეს  დარტყმას მიაყენებს

რუსეთის წინააღმდეგ შემუშავებული ევროკავშირის სანქციების მე-6 პაკეტი ნათლად გამოხატავს ევროკავშირის მტკიცე გადაწყვეტილებას. მნიშვნელოვანია, რომ რიტორიკა მთლიანად შეიცვალა და დასავლეთი უკრაინის გამარჯვებაზე უკვე თამამად საუბრობს. ის, რომ ნავთობის და გაზის ემბარგო, არა თუ შესაძლებელი, არამედ აუცილებელია, რისთვისაც დასავლეთი სრულ მზადყოფნას გამოხატავს, ძალიან მნიშვნელოვანია უკრაინისთვის, - ამის შესახებ პარტია „ევროპელი დემოკრატების“ გენერალურმა მდივანმა, მამუკა გამყრელიძემ განაცხადა.

გამყრელიძის თქმით, სანქციების ახალი პაკეტიდან ნავთობპროდუქტების ემბარგო ბევრად უფრო სწრაფად მოქმედი სანქცია იქნება, ვიდრე ყველა სხვა დანარჩენი, რაც აქამდე რუსეთს დაუწესდა.

„როგორც სანქციების ახალი პაკეტის გამოცხადებისას ევროკომისიის პრეზიდენტმა ურსულა ფონ დერ ლაიენმა განაცხადა, მე-6 პაკეტი ოთხი ნაწილისგან შედგება: დადგინდა მაღალი სამხედრო თანამდებობის პირების და არა მხოლოდ სამხედრო, სამოქალაქო პერსონების ჩამონათვალი, რომლებმაც მოაწყვეს და მიიღეს მონაწილეობა ბუჩას ტრაგედიაში. ეს სია სავარაუდოდ, სისხლის სამართლის საერთაშორისო სასამართლოს მიეწოდება.

სანქციების ახალ პაკეტში მნიშვნელოვანი ნაბიჯია „სბერბანკის“ „სვიფტის“ სისტემიდან გათიშვა. იქიდან გამომდინარე, რომ „სბერბანკი“ რუსეთის ყველაზე დიდი ბანკია და მისი სერვისებით რუსეთის მოსახლეობის დიდი ნაწილი სარგებლობს, ეს სანქცია ძალიან ნეგატიურად აისახება რუსეთის საფინანსო-საბანკო სექტორზე და მოსახლეობაზე.

პაკეტში ასევე საუბარია სამი დიდი სახელმწიფო მაუწყებლის დასავლეთში საქმიანობის შეზღუდვაზე. ეს მნიშვნელოვნად შეამცირებს პუტინის ცრუ პროპაგანდის გავლენას. კარგი იქნება, თუ სანქციების ამ ნაწილში ევროკავშირს საქართველოც მაქსიმალურად შეუერთდება.

ახალ სანქციებს შორის ყველაზე მნიშვნელოვანია ნავთობპროდუქტების ემბარგო. რუსეთი ყოველდღე დაახლოებით 800 მილიონ დოლარს ნავთობპროდუქტების გაყიდვიდან იღებს. ამ შემოსავლების შესუსტება და საბოლოოდ განულება რუსეთის ეკონომიკას სრულ კრახამდე მიიყვანს. ეს ბევრად უფრო სწრაფად მოქმედი სანქცია იქნება ვიდრე ყველა სხვა დანარჩენი, რაც რუსეთს აქამდე დაუწესდა.

ევროპისთვის ემბარგოს განხორციელება ადვილი არ იქნება, რაც მათ კარგად აქვთ გაცნობიერებული. ეს უნდა მოხდეს ეტაპობრივად, რათა რუსეთზე წნეხის მაქსიმალურად გაზრდით არ მიადგეს ზიანი ევროპულ ინდუსტრიას. რაც შეეხება საუბარს გამონაკლისის დაშვებაზე უნგრეთისა და სლოვაკეთისთვის, ეს შეიძლება გახდეს პრეცედენტი და იგივე მოითხოვოს სხვა ქვეყნებმაც, ამის გამო ეს საკითხი არ იქნება ადვილად მისაღები, თუმცა როგორც ჩანს, ევროკავშირს ეს გადაწყვეტილება უკვე მიღებული აქვს.

ევროკავშირის სანქციები იქნება დარტყმა რუსული ეკონომიკისთვის, პირველ რიგში ტექნოლოგიური და ფინანსური თვალსაზრისით. გაყინული აქტივები, საწარმოების შეჩერება გრძელვადიან პერსპექტივაში აუცილებლად შეუქმნის პრობლემებს რუსეთის მოსახლეობას და იმ დარგებს, რომელიც იყენებს უახლეს ტექნოლოგიებს, ძირითადად სამხედრო და აერო კოსმოსურ დარგებს. ეკონომიკის დასუსტება ავტომატურად გამოიწვევს რუსეთის სამხედრო პოტენციალის დასუსტებას, რაც იქნება ომში უკრაინის გამარჯვების საწინდარი“, - აცხადებს მამუკა გამყრელიძე.

ესტონეთის ელჩი - რუსეთს არ სჭირდება წინაპირობა რომ ვინმეს დაესხას თავს, ის გახდა უფრო არაპროგნოზირებადი ვიდრე ოდესმე
გაგიკ ავაკიანი - რუსეთი იმ მდგომარეობაში არაა, რომ სომხეთის საშინაო პოლიტიკაში მისი ჩარევები  წარმატებული იყოს და მას რამე გამოუვიდეს
ქართული პრესის მიმოხილვა 20.05.2022
იუველ ნოა ჰარარი - ყველაფერი სასწორზე დაიდო, რადგან პუტინმა დაანგრია უდიდესი ტაბუ, გლობალური წესრიგი - მას რომ შედეგისთვის მიეღწია, ეს მთელ მსოფლიოში გამოიწვევდა დესტაბილიზაციას
ზვიად გუბელაძე - გაჟღერებული ბრალდებები, თითქოსდა ნიკა გვარამიას ტელევიზიის  ბალანსზე არსებული ავტომობილით სარგებლობის გამო მიესაჯა თავისუფლების აღკვეთა, არ შეესაბამება სიმართლეს და მიზნად ისახავს საზოგადოების შეცდომაში შეყვანას
დამზადებულია საქართველოში - „სავალი“ - კიდევ ერთი ახალი ქართული წარმოების ბრენდი „დრესაპ ჯგუფისგან“
ახალი ლიბერთი ადამიანებისთვის - ლიბერთის ახალი საპილოტე პროექტი
BTU-ს სტუდენტური სტარტაპების საგრანტო კონკურსის გამარჯვებული ცნობილია
ლიბერთი პროექტის „ახალგაზრდული მეწარმეობა სოფლის განვითარებისთვის“ სტრატეგიული პარტნიორი  გახდა