გია ვოლსკი - სააკაშვილი თვითგვემას აწარმოებს - რა არის ის, რაც მას დანიშნულ წამლებს დაალევინებს - მაინც და მაინც გერმანიაში ან სხვა ქვეყანაში უნდა იყოს, რომ წამალი დალიოს?!

არ გვესმის პასუხები კითხვაზე - რა არის ის, რისი უზრუნველყოფაც საქართველოს არ შეუძლია? რა არის ის, რაც მიხეილ სააკაშვილს დანიშნულ წამლებს დაალევინებს - მაინც და მაინც გერმანიაში ან სხვა ქვეყანაში უნდა იყოს, რომ წამალი, რომელსაც მას ექიმები დაუნიშნავენ, დალიოს?! - აღნიშნული განცხადება ჟურნალისტებთან პარლამენტის პირველმა ვიცე-სპიკერმა გია ვოლსკიმ გააკეთა.

ვოლსკის შეფასებით, უმრავლესობის დეპუტატების დიმიტრი ხუნდაძისა და დავით სერგეენკოს ციხეში შესვლა მხოლოდ პოლიტიკური თამაშია, რომელსაც სააკაშვილი საზოგადოებას კარნახობს. მისი თქმით, სერგეენკო და ხუნდაძე ამაში მონაწილეობას ვერ მიიღებენ.

“პარლამენტში საკმაოდ კვალიფიციური, კარგი და გამოცდილი ექიმები გვყავს, მაგრამ მიხეილ სააკაშვილის მოთხოვნა მათთან შეხვედრის თაობაზე პოლიტიკური დივიდენდის მისაღებად არის გაკეთებული და არა იმისთვის, რომ პროფესიონალურ მოსაზრებას მოუსმინოს.

ეს ერთ-ერთი სასპეკულაციო თემაა, რასაც არანაირი კავშირი არა აქვს ჯანდაცვის მიმართულებით დამატებითი დახმარების ან კონსულტაციების მიღების ინტერესთან. საკმაოდ კვალიფიციური სამედიცინო ჯგუფი არსებობს, რომელიც პატიმრებს დახმარებას უწევს.

ვხედავთ, რომ მიხეილ სააკაშვილი თვითგვემას აწარმოებს - გარკვეულწილად ამას თვითდაზიანებაც დავარქვათ, რადგან კონკრეტული ადამიანისთვის შეთავაზებული მკურნალობა არის მიუღებელი. ჯანდაცვის საკითხები პოლიტიკოსების მსჯელობის საგანი არ უნდა იყოს, ეს ექიმების საქმეა და მათ უნდა ილაპარაკონ.

თუ ადამიანი თვითგვემას და თვითდაზიანებას ეწევა, რასაკვირველია, მას არ შეიძლება ჯანსაღი შესახედაობა ჰქონდეს, თუნდაც როცა სასამართლოში მღერის, მხარდამჭერებს აჯანყებისკენ ან მასიური მღელვარების ორგანიზებისკენ მოუწოდებს. ეს არაჯანსაღად მიმაჩნია, მაგრამ პროფესიონალი არ ვარ, საკმაოდ ბევრი პროფესიონალია, რომ მას შესაბამისი მკურნალობა გაუწიონ“, - განაცხადა გია ვოლსკიმ.

ვოლსკის შეფასებით, საჭიროა სახალხო დამცველის მიერ შექმნილი კონსილიუმის წევრი ექიმების მხრიდან გაეცეს პასუხი კითხვას, რა ისეთი სამედიცინო მომსახურება არის საჭირო, რომელიც საქართველოს არ გააჩნია, “გარდა იმისა, რომ მიხეილ სააკაშვილს არ სიამოვნებს და ფსიქოლოგიურად ტრამვას იღებს, როდესაც დახურულ სიცრეშია“.

ალექსეი გარანი - კიევსა და მოსკოვს შორის მინსკი 2-ის მსგავსი არანაირი შეთანხმება არ გაფორმდება, რადგან, რაც რუსეთმა  უკრაინაში 24 თებერვლის შემდეგ ჩაიდინა, ეს წარმოუდგენელია
ზაზა ფირალიშვილი - ენტონი ბლინკენის წერილი საქართველოს საგარეო საქმეთა მინისტრისადმი აშკარა ნიშანია იმისა, რომ ჩვენი ხელისუფლების ქცევა ევროატლანტიკურ სივრცეში სერიოზულ ეჭვებს იწვევს
ქართული პრესის მიმოხილვა 23.05.2022
ჰუბერტ ქნირში - გზა ევროკავშირში გაწევრიანებისკენ ჯერ კიდევ გრძელია - ის, რაც რამდენიმე კვირაში ევროპის საბჭომ შეიძლება გადაწყვიტოს, არის გზის დასაწყისი, არის გადაწყვეტილება, რომ ჩვენ ერთად გვინდა ამ გზის გავლა
„ლისი ინტელიგენციის“ განვითარებისთვის დახარჯული ჯამური ინვესტიცია 1 500 000 ლარს უტოლდება
Fitch Ratings-მა ბაზისბანკს საკრედიტო რეიტინგი „B+“ დაუდასტურა
4-5 ივნისს თბილისის საკონცერტო დარბაზში „ერისიონი“ ახალი პროგრამით წარდგება
IF Design-ის 2022 წლის ღონისძიებაზე ჰიუნდაიმ 9 ჯილდო მოიპოვა
რომელ Galaxy A სმარტფონს ირჩევ შენ?
ვებსტერის უნივერსიტეტსა და თიბისის შორის მემორანდუმი გაფორმდა
ლიბერთი ბანკი - დიდი პასუხისმგებლობა და პატივია უნიკალური ინფრასტრუქტურით მოვემსახუროთ სოციალური გასაცემლების მიმღებ პირებს