„სტრატეგია აღმაშენებლის“ და „რესპუბლიკური პარტიის“ ლიდერები ამერიკის სახელმწიფო დეპარტამენტში ერიკა ოლსონს შეხვდნენ
„სტრატეგია აღმაშენებლის“ და „რესპუბლიკური პარტიის“ ლიდერებმა ვაშინგტონში ამერიკის სახელმწიფო დეპარტამენტში, ერიკა ოლსონთან შეხვედრა გამართეს.
ოპოზიციური პარტიის ლიდერის გიორგი ვაშაძის თქმით, შეხვედრაზე საქართველოში და რეგიონში მიმდინარე პოლიტიკური პროცესები განიხილეს.
როგორც ვაშაძე აცხადებს, დაყენებული იქნა საკითხი საქართველოსთვის დამატებითი თავდაცვის და ფინანსური გარანტიების მიცემის შესახებ.
„შეხვედრა გვქონდა ამერიკის სახელმწიფო დეპარტამენტში, ერიკა ოლსონთან, რომელიც მაღალი რანგის ერთ-ერთი ფიგურაა. შეხვედრაზე განვიხილეთ, როგორც საქართველოში ასევე ჩვენს რეგიონში მიმდინარე პოლიტიკური პროცესები. დაყენებული იქნა საკითხი საქართველოსთვის დამატებითი თავდაცვის და ფინანსური გარანტიების მიცემის შესახებ. ასევე საუბარი შეეხო საქართველოს და უკრაინის საკითხებსაც, სადაც ჩვენი მხრიდან მოთხოვნილი იქნა დამატებითი უსაფრთხოების გარანტიები. ასევე შევეხეთ იმ მექანიზმების ამოქმედების საკითხს, რომელიც აიძულებს „ქართულ ოცნებას’’ აღებული ვალდებულებების შესრულებას“, - განაცხადა გიორგი ვაშაძემ.
ინფორმაციას „სტრატეგია აღმაშენებელი“ ავრცელებს.
