ეკა ხერხეულიძე - სააკაშვილის ჯანმრთელობის მდგომარეობა უცვლელად მძიმე და კრიტიკულია - ნანობს, რომ სწორედ ამ პერიოდში აღმოჩნდა საქართველოში, მაშინ როცა შეუძლია ყველაზე ეფექტურად დაეხმაროს უკრაინას

„ნაციონალური მოძრაობის” წევრის ეკა ხერხეულიძის ინფორმაციით, მიხეილ სააკაშვილის ჯანმრთელობის მდგომარეობა "უცვლელად მძიმე და კრიტიკულია”.

როგორც მან რუსთავის მე-12 პენიტენციურ დაწესებულებაში მესამე პრეზიდენტის მონახულების შემდეგ აღნიშნა, სააკაშვილს სიცხე აქვს და წონაში კლებას განაგრძობს. მისივე თქმით, მას მორიგე ექიმი მეთვალყურეობს, თუმცა ეს საკმარისი არ არის და ბოლომდე გამოსაჯანმრთელებლად სააკაშვილის საზღვარგარეთ გადაყვანა არის საჭირო.

„ჯანმრთელობის მდგომარეობა არის უცვლელად მძიმე და კრიტიკული. მას ისევ აქვს სიცხე და წონაში იკლებს ყოველდღიურად. მორიგე ექიმი უწევს მეთვალყურეობას, მაგრამ ეს საკმარისი არ არის. თუ გვინდა ადამიანი გადარჩეს, ერთადერთი გამოსავალია ქვეყნიდან გაყვანა და შესაბამისი მკურნალობა. საქართველოში მისი აბსოლუტური გამოჯანმრთელება არის შეუძლებელი”, - აღნიშნა ეკა ხერხეულიძემ.

ის ასევე გამოეხმაურა გრიგოლ ვაშაძის განცხადებას, რომლის თქმით მიხეილ სააკაშვილმა მასთან საუბრისას აღნიშნა, რომ საქართველოში ჩამოსვლას ნანობს. ეკა ხერხეულიძის განმარტებით, სააკაშვილი ამ განცხადებით უკრაინაში მიმდინარე მოვლენებს გულისხმობდა, რომელში მონაწილეობის მიღებას პატიმრობაში ყოფნის პერიოდში ვერ ახერხებს.

„მას არაერთხელ გამოუხატავს სინანული საქართველოში ჩამოსვლასთან დაკავშირებით, მაგრამ აქ მნიშვნელოვანია კონტექსტი. ის გულისხმობს უკრაინაში მიმდინარე მოვლენებს, რომელში მონაწილეობის მიღებასაც პატიმრობაში ყოფნის პერიოდში ვერ ახერხებს. ნანობს, რომ სწორედ ამ პერიოდში აღმოჩნდა საქართველოში, მაშინ როდესაც შეუძლია ყველაზე ეფექტურად დაეხმაროს უკრაინას”, - აღნიშნა ეკა ხერხეულიძემ.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით